റിയാദ് സീസൺ കപ്പ്: ഒറ്റ ടിക്കറ്റിന് ലേലം ആരംഭിച്ചത് 10 ലക്ഷം റിയാലിൽ നിന്ന്, ഇത് വരെ ലഭിച്ച ഏറ്റവും ഉയർന്ന ഓഫർ 93 ലക്ഷം
ഈ മാസം 19ന് റിയാദിൽ നടക്കുന്ന റിയാദ് സീസൺ കപ്പ് ഫുട്ബാൾ മത്സരം കാണാൻ ഒരു ടിക്കറ്റ് ബാക്കി ആഗോള ലേലത്തിന് വെച്ചത് ലോക ശ്രദ്ധനേടിയിരുന്നു. ‘സങ്കൽപ്പത്തിനപ്പുറം’ എന്ന് പേരിട്ട ആ ഒരൊറ്റ ടിക്കറ്റ് സംഘാടകരായ ജനറൽ എൻറർടെയ്ൻമെൻ്റ് അതോറിറ്റി 10 ലക്ഷം റിയാലിൽ നിന്നാണ് ലേലം ആരംഭിച്ചത്. എന്നാൽ ഇത് വരെ 93ലക്ഷം റിയാൽ വരെ ഓഫർ വന്നതായി എന്റർടൈൻമെന്റ് അതോറിറ്റി മേധാവി തുർക്കി അൽ-ഷൈഖ് അറിയിച്ചു.
അസും ടെക്നോളജി കമ്പനിയാണ് ഇത് വരെയുളളതിൽ വെച്ച് ഏറ്റവും ഉയർന്ന തുകയായ 93 ലക്ഷം ഓഫർ ചെയ്തത്. കൂടാതെ സെന്റ് ജെർമെയ്ൻ കളിക്കാർക്കുള്ള സ്വീകരണ ചടങ്ങുകളിൽ പങ്കെടുക്കുന്ന രക്തസാക്ഷികളുടെ കുടുംബങ്ങൾക്കും അനാഥർക്കും നിരവധി സമ്മാനങ്ങളും നൽകുമെന്നും കമ്പനി ഓഫർ ചെയ്തിട്ടുണ്ട്.
അൽ-ഹിലാൽ സ്റ്റാർസും അൽ-നാസറും ഫ്രഞ്ച് പാരീസ് സെന്റ് ജെർമെയ്ൻ ടീമും തമ്മിലുള്ള മത്സരത്തിനുള്ള ലേലത്തിൽ വെച്ച ടിക്കറ്റ് ലഭിക്കുന്നതിന് വ്യവസായി ഖാലിദ് അൽ-മുഷ്‌രിഫ് നേരത്തെ 9 ദശലക്ഷം റിയാൽ വാഗ്ദാനം ചെയ്തിരുന്നു.
എന്റർടൈൻമെന്റ് അതോറിറ്റി ചെയർമാൻ, 1 മില്യൺ റിയാലിൽ നിന്നാണ് ലേലം ആരംഭിക്കുന്നതെന്ന് നേരത്തെ പ്രഖ്യാപിച്ചിരുന്നു. അതിൽ നിന്നുള്ള മുഴുവൻ വരുമാനവും ഇഹ്‌സാൻ ചാരിറ്റബിൾ പ്ലാറ്റ്‌ഫോം വഴി ജീവകാരുണ്യ പ്രവർത്തനങ്ങൾക്കായാണ് നീക്കി വെക്കുക. ആദ്യമായാണ് സൗദിയിൽ നടക്കുന്ന ഒരു പരിപാടിയുടെ ഒറ്റ ടിക്കറ്റ് ലേലം ചെയ്യാൻ പോകുന്നത്. ഈ മാസം 17 വരെയാണ് ലേലം നടക്കുക.
ടിക്കറ്റ് ലേലത്തിൽ പിടിക്കുന്ന ആൾക്ക് കളി കാണാൻ മാത്രമല്ല വിവിധ ആനുകൂല്യങ്ങളും അസുലഭാവസരങ്ങളുമാണ് ലഭിക്കുന്നത്. രണ്ട് ടീമുകൾക്കൊപ്പം ഉച്ചഭക്ഷണമോ അത്താഴമോ കഴിക്കാനുള്ള അവസരമാണ് ഒന്ന്. വിജയിച്ച ടീമിന് ട്രോഫി നൽകാനും ടീമംഗങ്ങളെ ആദരിക്കുന്ന ചടങ്ങിൽ പങ്കെടുക്കാനും കഴിയും. ഇരുടീമുകളുടെയും ഡ്രസ്സിങ് റൂമിൽ പ്രവേശിക്കാനാവും.
19-ാം തീയതി നടക്കുന്ന മത്സരം കാണാനുള്ള ടിക്കറ്റുകൾ സ്വന്തമാക്കാൻ വൻ തിരക്കാണ് അനുഭവപ്പെട്ടത്. ഓൺലൈൻ ബുക്കിങ് ആരംഭിച്ച് നിമിഷങ്ങൾക്കുള്ളിൽ മുഴുവൻ ടിക്കറ്റുകളും വിറ്റുപോയി. ടിക്കറ്റുകൾക്കായി 170 രാജ്യങ്ങളിൽനിന്ന് 20 ലക്ഷത്തോളം ആളുകളാണ് ഓൺലൈൻ ബുക്കിങ്ങിന് ശ്രമം നടത്തിയത്. ഫുട്ബൾ ചരിത്രത്തിൽ അഭൂതപൂർവമായ സംഭവമായിരിക്കും റിയാദ് സീസണ് കപ്പെന്ന് അധികൃതർ പ്രത്യാശ പ്രകടിപ്പിച്ചു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
സൗദി വിസിറ്റ് വിസകൾ ഇപ്പോൾ മുമ്പത്തേതിനേക്കാൾ എളുപ്പത്തിൽ പുതുക്കാം
❗ബന്ധപ്പെടുക:
📞0556884273
http://wa.me/+966556884273
