സോഷ്യല് മീഡിയയിലൂടെ യുവതിയെ അസഭ്യം പറഞ്ഞു; സൗദിയില് പ്രവാസി അറസ്റ്റില്
സോഷ്യല് മീഡിയ ആപ്ലിക്കേഷനിലൂടെ യുവതിയെ അസഭ്യം പറയുകയും ഭീഷണിപ്പെടുത്തുകയും ചെയ്ത പ്രവാസി യുവാവ് സൗദി അറേബ്യയില് അറസ്റ്റിലായി.
യുവതിയുടെ പരാതി ലഭിച്ചതിന് പിന്നാലെ അന്വേഷണം നടത്തിയ മക്ക പൊലീസാണ് പ്രതിയെ അറസ്റ്റ് ചെയ്തത്. ഇയാള് ആഫ്രിക്കന് രാജ്യമായ മാലിയില് നിന്നുള്ളയാണെന്നാണ് റിപ്പോര്ട്ടുകള്.
മോശമായ വാക്കുകള് ഉപയോഗിച്ച് യുവാവ് ഭീഷണിപ്പെടുത്തിയെന്നാണ് യുവതി പൊലീസിന് നല്കിയ പരാതിയില് പറയുന്നത്. തുടര്ന്ന് പൊലീസ് അന്വേഷണം നടത്തി യുവാവിനെ അറസ്റ്റ് ചെയ്യുകയായിരുന്നു.
നിയമ നടപടികള് പൂര്ത്തിയാക്കിയ ശേഷം കേസില് തുടര് നടപടികള് സ്വീകരിക്കാനായി ഇയാളെ പൊലീസ്, പബ്ലിക് പ്രോസിക്യൂഷന് കൈമാറിയിരിക്കുകയാണ്.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
