മുഖ്യമന്ത്രിയെ തീരുമാനിക്കുന്നത് വാട്ട്സ്ആപ്പ് അല്ല; റിസൾട്ട് വന്ന് ഒരാഴ്ചക്കുള്ളിൽ അന്തിമ തീരുമാനം ഉണ്ടാകും: കെ. മുരളീധരൻ
തിരുവനന്തപുരം: യുഡിഎഫിലെ മുഖ്യമന്ത്രി ചർച്ചയിൽ പ്രതികരിച്ച് കെ. മുരളീധരൻ. നാലാം തീയതി റിസൾട്ട് വന്നാൽ ഒരാഴ്ചക്കുള്ളിൽ മുഖ്യമന്ത്രി തീരുമാനമാകുമെന്നും, നാലാം തീയതിക്ക് ശേഷം മാത്രമേ ചർച്ച ആരംഭിക്കുകയുള്ളൂ എന്നും മുരളീധരൻ വ്യക്തമാക്കി.
അഞ്ചു വർഷത്തിന് ശേഷം തെരഞ്ഞെടുപ്പ് പ്രചാരണത്തിനായി രാഹുൽ പശ്ചിമ ബംഗാളിൽ
മുഖ്യമന്ത്രി ആരായിരിക്കുമെന്ന് പറയുന്ന അനാവശ്യ ചർച്ചകൾക്കും വിവാദങ്ങൾക്കും ഇപ്പോൾ പ്രസക്തി ഇല്ലെന്നും, ഹൈക്കമാൻഡ് ഉചിതമായ തീരുമാനമെടുക്കുമെന്നും കെ. മുരളീധരൻ പറഞ്ഞു. തോൽക്കാൻ പോകുന്നവർക്ക് നാലാം തീയതി വരെ ജയിക്കുമെന്ന് പറഞ്ഞ് നടക്കാമെന്നും അതുവരെ അവർക്ക് ആശ്വസിക്കാമെന്നും മുരളീധരൻ പരിഹസിച്ചു. നാലിന് 12 മണി കഴിയുമ്പോൾ ഇവർ യാഥാർഥ്യം അംഗീകരിക്കേണ്ടിവരുമെന്നും അദ്ദേഹം കൂട്ടിച്ചേർത്തു.
