മഴയ്ക്കുപിന്നാലെ അപകടം: ഖാബൂറയില് കുട്ടി മുങ്ങി മരിച്ചു
മസ്കത്ത്: ഒമാനിലെ വടക്കന് ബാത്തിന ഗവര്ണറേറ്റിലെ ഖാബൂറയില് ഒരു കുട്ടിയേ വാദിയില് മുങ്ങിമരിച്ച നിലയില് കണ്ടെത്തി. കഴിഞ്ഞ ദിവസം നടന്ന ഈ അപകടത്തില് പ്രദേശവാസികള്ക്ക് വലിയ ആഘാതമാണുണ്ടായത്.
വാദിയില് വെള്ളം കൂടിയിരുന്ന സാഹചര്യത്തില് കുട്ടി അതിലേക്കിറങ്ങിയതായാണ് പ്രാഥമിക വിവരം. തുടര്ന്ന് കുട്ടിയെ കാണാതായതോടെ നാട്ടുകാര് നടത്തിയ തിരച്ചിലിനൊടുവില് വിവരം അധികൃതരെ അറിയിച്ചു. സിവില് ഡിഫന്സ് ആന്ഡ് ആംബുലന്സ് അതോറിറ്റിയുടെ സംഘം സ്ഥലത്തെത്തി തിരച്ചില് ആരംഭിക്കുകയും പിന്നീട് കുട്ടിയെ വെള്ളത്തില് നിന്ന് പുറത്തെടുക്കുകയും ചെയ്തു. എന്നാല് ഇതിനകം തന്നെ കുട്ടി മരിച്ചിരുന്നതായി സ്ഥിരീകരിച്ചു.
സംഭവത്തെ തുടര്ന്ന് പ്രദേശത്ത് ദുഃഖവാതാവരം രൂപപ്പെട്ടു. കുടുംബാംഗങ്ങളും നാട്ടുകാരും വലിയ ദുഃഖത്തിലാണ്. അപകടം നടന്ന സാഹചര്യങ്ങളെക്കുറിച്ച് കൂടുതല് അന്വേഷണം തുടരുകയാണ്.
മഴക്കാലത്തും അതിനു പിന്നാലെയുള്ള ദിവസങ്ങളിലും വാദികളില് വെള്ളം പെട്ടെന്ന് ഉയരാന് സാധ്യതയുള്ളതിനാല് ഇത്തരം ഇടങ്ങളില് ഇറങ്ങുന്നത് അതീവ അപകടകരമാണെന്ന് അധികൃതര് മുന്നറിയിപ്പ് നല്കി. പ്രത്യേകിച്ച് കുട്ടികളെ ഇത്തരം സ്ഥലങ്ങളിലേക്ക് ഒറ്റയ്ക്ക് വിടരുതെന്നും നിരീക്ഷണം ശക്തമാക്കണമെന്നും നിര്ദേശിച്ചിട്ടുണ്ട്.
ഒമാനില് കഴിഞ്ഞ കാലങ്ങളിലായി വാദികളുമായി ബന്ധപ്പെട്ട അപകടങ്ങള് ആവര്ത്തിക്കുന്ന പശ്ചാത്തലത്തില്, പൊതുജനങ്ങള് കൂടുതല് ജാഗ്രത പാലിക്കണമെന്ന് അധികൃതര് വീണ്ടും ഓര്മ്മിപ്പിച്ചു. സുരക്ഷാ നിര്ദ്ദേശങ്ങള് കര്ശനമായി പാലിക്കുന്നത് ഇത്തരം ദുരന്തങ്ങള് ഒഴിവാക്കാന് സഹായിക്കുമെന്ന് അവര് ചൂണ്ടിക്കാട്ടി.
