സൗദിയിൽ വീണ്ടും നാല് പേർ കൂടി വെള്ളക്കെട്ടിൽ മുങ്ങിമരിച്ചു

സൗദി അറേബ്യയിൽ നാല് പേർ കൂടി വെള്ളക്കെട്ടിൽ മുങ്ങിമരിച്ചതായി അൽ-ഹാനകിയ സിവിൽ ഡിഫൻസ് വിഭാഗം അറിയിച്ചു.

സൌദിയിലെ വാദി അൽ ജാർബൗവിലെ ജല ചതുപ്പിലാണ് നാല് പേർ മുങ്ങി മരിച്ചത്. വെള്ളക്കെട്ടിൽ നിന്ന് ഇവരെ പുറത്തെടുക്കുമ്പോൾ മരണാസന്നമായ അവസ്ഥയിലായിരുന്നുവെന്നും സിവിൽ ഡിഫൻസ് വ്യക്തമാക്കി.

മക്ക മേഖലയിലെ ഖുൻഫുദയിലെ വെള്ളക്കെട്ടിൽ 3 സഹോദരങ്ങൾ മുങ്ങിമരിച്ചതായി  മണിക്കൂറുകൾക്ക് മുമ്പ് സിവിൽ ഡിഫൻസ് അറിയിച്ചിരുന്നു.

മറ്റൊരു സംഭവത്തിൽ ജിദ്ദയിൽ കടലിൽ കളിക്കുന്നതിനിടെ തിരമാലയിൽ കുടുംങ്ങിയ യുവതികളെ രക്ഷിക്കാൻ ശ്രമിക്കുന്നതിനിടെ ലേഡി ഡോക്ടറും സഹപ്രവർത്തകയും മുങ്ങിമരിച്ചതായും അറിയിപ്പുണ്ടായിരുന്നു.

ഇതുൾപ്പെടെ ഇന്ന് ഒമ്പത് പേരാണ് സൌദിയിൽ വെള്ളത്തിൽ മുങ്ങി മരിച്ചത്.

കൂടുതൽ തൊഴിൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക.