കോണ്‍ഗ്രസില്‍ വീണ്ടും കൂട്ടരാജി; ആസാദിന് പിന്തുണയേറുന്നു
ശ്രീനഗര്‍: കാഷ്മീര്‍ കോണ്‍സില്‍ വീണ്ടും കൂട്ടരാജി. ഗുലാം നബി ആസാദിന് പിന്തുണയുമായി മുന്‍ ഉപമുഖ്യമന്ത്രി താരാ ചന്ദ് അടക്കമുള്ള 42 നേതാക്കളാണ് ഇന്ന് പാര്‍ട്ടി വിട്ടത്. ബുധനാഴ്ച 65 നേതാക്കള്‍ കോണ്‍ഗ്രസില്‍ നിന്ന് രാജിവച്ചിരുന്നു.
ഗുലാം നബി ആസാദ് രൂപീകരിക്കുന്ന പാര്‍ട്ടിയില്‍ ചേരുമെന്ന് നേതാക്കള്‍ പറഞ്ഞു. പാര്‍ട്ടി ഉടന്‍ രൂപികരിച്ച് അടുത്ത നിയമസഭാ തെരഞ്ഞെടുപ്പില്‍ സംസ്ഥാനത്തെ എല്ലാ സീറ്റുകളിലും മത്സരിക്കുമെന്ന് ഗുലാം നബി ആസാദ് നേരത്തെ പറഞ്ഞിരുന്നു.
