സൗദിയിലെ ത്വാഇഫിലും അസീറിലും ശക്തമായ മഴ; വ്യാഴാഴ്ച വരെ മിക്ക സ്ഥലങ്ങളിലും മഴക്ക് സാധ്യത, ഓരോ പ്രദേശത്തേയും കാലാവസ്ഥ അറിയിപ്പ് അറിയാം – വീഡിയോ

August 18, 2023August 18, 2023 News Desk

സൌദിയിലെ ത്വാഇഫിലും അസീറിലും ശക്തമായ മഴ തുടരുന്നു. രാജ്യത്തിന്റെ മിക്ക പ്രദേശങ്ങളിലും അടുത്ത ഞായറാഴ്ച മുതൽ വ്യാഴാഴ്ച വരെ മഴ തുടരാൻ സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം പ്രതീക്ഷിക്കുന്നു.

ഞായറാഴ്ച മുതൽ വ്യാഴം വരെ അസീർ, അൽ-ബാഹ, മക്ക, നജ്‌റാൻ, ജിസാൻ എന്നിവിടങ്ങളിലും ബുധനാഴ്ച വരെ മദീനയിലും കനത്ത മഴയായിരിക്കുമെന്ന് കാലാവസ്ഥ കേന്ദ്രം വിശദീകരിച്ചു.

ഞായറാഴ്ച റിയാദിലും അൽഖാസിമിലും ഇടത്തരം മഴയും തിങ്കൾ, ചൊവ്വ ദിവസങ്ങളിൽ തബൂക്ക്, ജിദ്ദ, ഖുലൈസ്, റാബിഗ്, യാൻബു എന്നിവിടങ്ങളിൽ നേരിയ തോതിലും മഴ പെയ്യുമെന്നും ഈ നഗരങ്ങളിൽ പൊടിക്കാറ്റ് ഉണ്ടാകുമെന്നും കേന്ദ്രം കൂട്ടിച്ചേർത്തു.

ഇന്ന് ത്വാഇഫിൽ പെയ്ത മഴുടെ വീഡിയോ കാണാം…