മണവാട്ടിയായി വരൻ്റെ കൈ പിടിച്ച് വീട്ടിൽ നിന്നിറങ്ങുമ്പോൾ, ആരും അറിഞ്ഞിരുന്നില്ല പിതാവ് ഗൾഫിലെ മോർച്ചറിയിൽ തണുത്ത് മരവിച്ച് കിടക്കുയായിരുന്നുവെന്ന്

മകൾ മണവാട്ടിയായി അണിഞ്ഞൊരുങ്ങി നിൽക്കുന്നത് കാണുക എന്നത് ഏതൊരു പ്രവാസിയുടേയും സ്വപ്നമാണ്. മകളുടെ വിവാഹം നടത്തുക എന്ന ഭാരിച്ച ഉത്തരവാദിത്തം നിറവേറ്റാൻ വേണ്ടി മാത്രം പ്രവാസ ജീവിത്തതിലെ സിംഹ ഭാഗവും ബലികഴിക്കേണ്ടി വരുന്നവരാണ് മിക്ക പ്രവാസികളും.

മക്കളുടെ വിവാഹാഘോഷത്തിൽ പങ്കെടുക്കാനും, മകളെ വരൻ്റെ കയ്യിലേക്ക് കൈ പിടിച്ച് കൊടുക്കാനും ആഗ്രഹിക്കാത്ത പ്രവാസികൾ ഉണ്ടാകില്ല. എന്നാൽ മകൾ മണവാട്ടിയാകുന്ന ദിവസം ഗൾഫിലെ മോർച്ചറിയിൽ തണുത്ത് മരവിച്ച് കിടക്കേണ്ടി വന്ന ഒരു ഹതഭാഗ്യവാനായ പ്രവാസിയുടെ നൊമ്പരങ്ങൾ പങ്കുവെക്കുകയാണ് ജീവകാരുണ്യ പ്രവർത്തകനായ അശ്റഫ് താമരശ്ശേരി.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക

മകളുടെ വിവാഹത്തിൽ പങ്കെടുക്കാൻ ആഗ്രഹമുണ്ടായിരുന്നെങ്കിലും, സാഹചര്യങ്ങൾ അനുകൂലമല്ലാത്തതിനാൽ ചടങ്ങിനായി നാട്ടിലേക്ക് പോയില്ല. ഗൾഫിലിരുന്ന് കാര്യങ്ങൾ ചോദിച്ചറിഞ്ഞ് നിയന്ത്രിച്ച് കൊണ്ടിരിക്കെ ആ മനുഷ്യൻ യാത്രയായി. പിതാവിൻ്റെ വിയോഗം അറിയാതെ നാട്ടിൽ മംഗള കർമ്മം മുടക്കമില്ലാതെ നടക്കുകയും ചെയ്തു.

മകൾ വരൻ്റെ കൈ പിടിച്ച് വീട്ടുകാരോട് യാത്ര പറഞ്ഞ് ഇറങ്ങുമ്പോൾ പിതാവ് മോർച്ചറിയിൽ തണുത്ത് മരവിച്ച് കിടക്കുകയായിരുന്നു.

ദിവസവും യുഎഇയിലെ നിരവധി മൃതദേഹങ്ങളുമായി ബന്ധപ്പെട്ട നടപടിക്രമങ്ങൾ പൂർത്തിയാക്കാറുള്ള അഷ്റഫ് താമരശ്ശേരിക്ക് പക്ഷേ ഈ അനുഭവം താങ്ങാനാവാത്ത നൊമ്പരമായി. അദ്ദേഹം ഇത് ഫേസ്ബുക്കിലൂടെ പങ്കുവെച്ചപ്പോൾ ശ്വാസം അടക്കി പിടിച്ച് വായിച്ച് തീർത്ത വായനക്കാരുടെയും ഹൃദയം തകർന്നുപോയി.

അശ്റഫ് താമരശ്ശേരിയുടെ ഫേസ്ബുക്ക് പോസ്റ്റിൻ്റെ പൂർണ രൂപം വായിക്കുക: