പേടി മാറിയിട്ടില്ല! യുഡിഎഫ് മന്ത്രിസഭയില് ആര്ക്കും 13ാം നമ്പര് കാര് വേണ്ട
തിരുവനന്തപുരം: ഇത്തവണയും യുഡിഎഫ് മന്ത്രിമാരില് ആര്ക്കും 13ാം നമ്പര് കാറില്ല. 13ാം നമ്പര് കാര് എടുക്കാന് വിസമ്മതിച്ചതോടെ 13ാം നമ്പര് കാര് ഒഴിവാക്കി. മുമ്പും യുഡിഎഫ് മന്ത്രിസഭയില് ആരും 13ാം നമ്പര് കാര് ഉപയോഗിച്ചിരുന്നില്ല. 13ാം നമ്പര് അശുഭമാണെന്ന് ചൂണ്ടിക്കാട്ടിയാണ് ഈ നമ്പര് കാര് ഉപയോഗിക്കാന് മടിക്കുന്നത്. എന്നാല് എല്ഡിഎഫ് സര്ക്കാരിന്റെ കാലത്ത് മന്ത്രിമാര് ഈ നമ്പര് കാര് ചോദിച്ചു വാങ്ങിയിരുന്നു.
2021ലെ പിണറായി മന്ത്രിസഭയില് കൃഷി മന്ത്രി പി പ്രസാദ് ആണ് 13ാം നമ്പര് കാര് ഉപയോഗിച്ചിരുന്നത്. 2016ലെ എല്ഡിഎഫ് സര്ക്കാരിന്റെ കാലത്ത് അന്നത്തെ ധനമന്ത്രിയായിരുന്ന തോമസ് ഐസക്ക് ആണ് 13ാം നമ്പര് കാര് ചോദിച്ചു വാങ്ങുകയും ഉപയോഗിക്കുകയും ചെയ്തത്.
2006ല് വിഎസ് അച്യുതാനന്ദന് സര്ക്കാരിന്റെ കാലത്ത് അന്നത്തെ വിദ്യാഭ്യാസ മന്ത്രിയായിരുന്ന എം.എ. ബേബി തെരഞ്ഞെടുത്തതും 13ാം നമ്പര് കാര് ആയിരുന്നു.
