കൊച്ചി വിമാനത്താവളത്തിൽ യാത്ര നടപടിക്രമങ്ങൾ വേഗത്തിലാകും; ഡിജി യാത്ര പദ്ധതിയുടെ ആദ്യഘട്ട പരീക്ഷണം പൂർത്തിയായി

നെടുമ്പാശ്ശേരി അന്താരാഷ്ട്ര വിമാനത്താവളത്തിൽ നടപ്പിലാക്കുന്ന ഡിജി യാത്ര പദ്ധതിയുടെ ആദ്യഘട്ട പരീക്ഷണം പൂർത്തിയായി. വിമാനത്താവളം സന്ദർശിച്ച കേന്ദ്ര വ്യോമയാന മന്ത്രി ജ്യോതിരാദിത്യ സിന്ധ്യ സിയാലിന്റെ സൗകര്യങ്ങളിൽ സംതൃപ്തി പ്രകടിപ്പിച്ചു.

സിയാലിന്റെ ഐ.ടി വിഭാഗം സ്വന്തമായി വികസിപ്പിച്ചെടുത്ത സോഫ്റ്റ്‌വെയർ ആണ് ഡിജി യാത്രയുടെ ഒന്നാം ഘട്ടമായ ഇ-ഗേറ്റ് പ്രവർത്തിപ്പിക്കാൻ ഉപയോഗിച്ചിട്ടുള്ളത്. വിമാനത്താവളത്തിലെത്തുന്ന യാത്രക്കാരുടെ ടിക്കറ്റും തിരിച്ചറിൽ രേഖകളും പരിശോധിച്ച് പ്രവേശനം നൽകുന്നതിന് പകരം, ബയോമെട്രിക് സംവിധാനം ഏർപ്പെടുത്തുകയാണ് ഡിജി യാത്രയുടെ പ്രധാന ഉദ്ദേശ്യം. ഇതിലൂടെ നമയനഷ്ടം ഇല്ലാതാക്കുവാനും യാത്രക്കാർക്ക് എളുപ്പത്തിൽ നടപടിക്രമങ്ങൾ പൂർത്തീകരിക്കാനും സാധിക്കും.