നടിമാര്ക്കെതിരേ അശ്ലീല പരാമര്ശം; ‘ആറാട്ടണ്ണന്’ എന്ന സന്തോഷ് വര്ക്കി അറസ്റ്റില്
കൊച്ചി: സാമൂഹികമാധ്യമങ്ങളില് ‘ആറാട്ടണ്ണന്’ എന്ന പേരിലറിയപ്പെടുന്ന യുട്യൂബർ സന്തോഷ് വര്ക്കി അറസ്റ്റില്. സാമൂഹികമാധ്യമങ്ങളിലൂടെ നടിമാര്ക്കെതിരേ അശ്ലീലപരാമര്ശങ്ങള് നടത്തിയെന്നും നടിമാരെ അപമാനിച്ചെന്നുമുള്ള പരാതിയിലാണ് എറണാകുളം നോര്ത്ത് പോലീസ് സന്തോഷ് വര്ക്കിയെ അറസ്റ്റ് ചെയ്തത്. ജാമ്യമില്ലാ വകുപ്പുകള് പ്രകാരമാണ് ഇയാള്ക്കെതിരേ കേസെടുത്തിരിക്കുന്നത്.
.
നടി ഉഷാ ഹസീന, ചലച്ചിത്ര പ്രവര്ത്തകരായ ഭാഗ്യലക്ഷ്മി, കുക്കു പരമേശ്വരന് തുടങ്ങിയവരാണ് സന്തോഷ് വര്ക്കിക്കെതിരെ പരാതി നല്കിയത്. സന്തോഷ് വര്ക്കിയുടെ നിരന്തരമുളള പരാമര്ശങ്ങള് സ്ത്രീത്വത്തെ അപമാനിക്കുന്നതാണെന്ന് നടിമാരുടെ പരാതിയില് പറയുന്നു.
നടിമാര്ക്കെതിരായ പരാമര്ശം സ്ത്രീത്വത്തെ അപമാനിക്കുന്നതാണെന്നും ഇയാള്ക്കെതിരേ കര്ശന നടപടിയെടുക്കണമെന്നും നടി ഉഷ ആലപ്പുഴ ഡിവൈഎസ്പിക്ക് നല്കിയ പരാതിയില് പറഞ്ഞിരുന്നു. കൂടാതെ 40 വര്ഷമായി സിനിമ മേഖലയില് പ്രവര്ത്തിക്കുന്ന തന്നെ സന്തോഷ് വര്ക്കിയുടെ പരാമര്ശം വേദനിപ്പിച്ചെന്നും ഉഷ പരാതിയിൽ വിശദീകരിച്ചിരുന്നു.
.
സിനിമ മേഖലയില് പ്രവര്ത്തിക്കുന്ന സ്ത്രീകളെല്ലാം മോശം സ്വഭാവക്കാരാണെന്നായിരുന്നു സന്തോഷ് വര്ക്കിയുടെ പരാമര്ശം. മുന്പും സാമൂഹികമാധ്യമങ്ങളിലൂടെ സമാനമായരീതിയില് നടിമാര്ക്കെതിരെ ഇയാള് ഇത്തരം പരാമര്ശങ്ങള് നടത്തിയിട്ടുണ്ട്. നടി നിത്യാമേനോനെ വിവാഹം കഴിക്കണമെന്ന് ആവശ്യപ്പെട്ട് ശല്യം ചെയ്തതിന് ഇയാളെ പാലാരിവട്ടം പോലീസ് താക്കീത് ചെയ്ത് വിട്ടയച്ചിരുന്നു.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
