ഹജ്ജ് അവസാനിച്ചതിന് പിന്നാലെ പുതിയ ഉംറ സീസൺ ആരംഭിച്ചു; മക്കിലേക്കുള്ള പ്രവേശ നിയന്ത്രണം അവസാനിച്ചു

മക്ക: ഹജ്ജ് അവസാനിച്ചതിന് പിന്നാലെ പുതിയ ഉംറ സീസണിന് തുടക്കമായതായി ഹജ്ജ് ഉംറ മന്ത്രാലയം അറിയിച്ചു. ഉംറ തീർഥാടകരെ സ്വീകരിക്കാനും പുതിയ ഉംറ വിസകൾ അനുവദിക്കാനുമുള്ള നടപടികൾ ആരംഭിച്ചതായും മന്ത്രാലയം അറിയിച്ചു.

.

ഉംറ തീർഥാടകരുടെ സൌദിയിലേക്കുള്ള വരവ് എളുപ്പമാക്കാനും, അവർക്ക് സുഖമമായി കർമങ്ങൾ ചെയ്യാനും എല്ലാ സംവിധാനങ്ങളും ഒരുക്കിയതായി മന്ത്രാലയം വ്യക്തമാക്കി. പുതിയ സീസണിൽ ഉംറക്കെത്തുന്നവർക്ക് കൂടുതൽ മെച്ചപ്പെട്ട സേവനങ്ങളാണ് അധികൃതർ ഒരുക്കിയിട്ടുള്ളത്.

.

ഹജ്ജിൻ്റെ ഭാഗമായി മക്കയിലേക്ക് പ്രവേശിക്കുന്നതിന് ഏർപ്പെടുത്തിയിരുന്ന നിയന്ത്രണവും ഇന്ന് മുതൽ നീക്കി. ഇന്ന് മുതൽ എല്ലാവർക്കും സാധാരണപോലെ മക്കയിലേക്ക് പ്രവേശിക്കാം. സന്ദർശന വിസയിലുളളവർക്കും മക്കയിലേക്ക് പ്രവേശിക്കുന്നതിന് വിലക്കില്ല.

.