ആത്മീയ വാട്ട്സ് ആപ്പ് ഗ്രൂപ്പ് വഴി വീട്ടമ്മമാരെ പരിചയപ്പെടും, ചിത്രം മോർഫ് ചെയ്ത് ലൈംഗിക ചൂഷണം: 19കാരൻ അറസ്റ്റിൽ
പെരിന്തൽമണ്ണ: ആത്മീയ മേഖലകൾ ചർച്ച ചെയ്യുന്ന വാട്സാപ് ഗ്രൂപ്പുകളിലൂടെ വീട്ടമ്മമാരെ പരിചയപ്പെട്ട് ഫോട്ടോകളും വിഡിയോകളും മോർഫ് ചെയ്ത് ലൈംഗിക ചൂഷണവും സാമ്പത്തിക തട്ടിപ്പും നടത്തിയ കേസിൽ യുവാവിനെ പെരിന്തൽമണ്ണ പൊലീസ് അറസ്‌റ്റ് ചെയ്‌തു. പട്ടാമ്പി ആമയൂർ സ്വദേശി മുഹമ്മദ് യാസിം (19) ആണ് പിടിയിലായത്. പെരിന്തൽമണ്ണ സ്വദേശിനിയുടെ പരാതിയിലാണ് കേസെ‌ടുത്തത്.
വാട്‌സാപ്പിലൂടെ പരിചയപ്പെട്ട് സ്‌ത്രീകളെ ഭീഷണിപ്പെടുത്തി പണം തട്ടുന്നതാണ് പ്രതിയുടെ രീതിയെന്ന് പൊലീസ് പറഞ്ഞു. ഇൻസ്‌പെക്‌ടർ എ.പ്രേംജിത്ത്, എസ്ഐ ഷിജോ സി.തങ്കച്ചൻ, എഎസ്‌ഐ രേഖമോൾ, എസ്‌സിപിഒ ഷിജു, സിപിഒമാരായ സൽമാൻ പള്ളിയാൽതൊടി, ജയേഷ് രാമപുരം എന്നിവരടങ്ങിയ സംഘമാണ് പ്രതിയെ പിടികൂടിയത്. പെരിന്തൽമണ്ണ കോടതി റിമാൻഡ് ചെയ്‌തു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ അമർത്തുക
തൊഴിൽ വാർത്തകൾക്കും മറ്റു പ്രധാന അറിയിപ്പുകൾക്കും വാട്സ് ആപ്പ് ചാനൽ പിന്തുടരാൻ ഇവിടെ അമർത്തുക
