നായയെ കാണാനില്ലെന്ന പോസ്റ്റര്‍ നീക്കിയതിനെച്ചൊല്ലി തര്‍ക്കം; യുവാവിനെ കൈയേറ്റം ചെയ്ത് യുവതി – വീഡിയോ
പോസ്റ്റര്‍ നീക്കം ചെയ്തതിനെച്ചൊല്ലിയുണ്ടായ തര്‍ക്കത്തിനിടെ യുവാവിനെ കൈയേറ്റം ചെയ്ത് യുവതി. നോയിഡ സെക്ടര്‍ 75-ലെ എയിംസ് ഗോള്‍ഫ് അവന്യൂ ഹൗസിങ് സൊസൈറ്റിയിലാണ് താമസക്കാരായ യുവാവും യുവതിയും തമ്മില്‍ തര്‍ക്കമുണ്ടായത്.
ഹൗസിങ് സൊസൈറ്റിയിലെ താമസക്കാരിയായ അര്‍ഷിയാണ് മറ്റൊരു താമസക്കാരനായ നവീനിനെ കൈയേറ്റംചെയ്തത്. അര്‍ഷിയുടെ വളര്‍ത്തുനായയെ ഏതാനുംദിവസങ്ങളായി കാണാനില്ലായിരുന്നു. തുടര്‍ന്ന് ഇവർ, നായയെ കാണാനില്ലെന്ന പോസ്റ്ററുകള്‍ ഹൗസിങ് സൊസൈറ്റിയിലെ പലഭാഗത്തും പതിച്ചു. കഴിഞ്ഞദിവസം നവീന്‍ ഈ പോസ്റ്ററുകളെല്ലാം നീക്കംചെയ്തു. ദീപാവലി ആഘോഷത്തിന്റെ ഭാഗമായി പെയിന്റിങ് ജോലികള്‍ നടക്കുന്നതിനാലാണ് പോസ്റ്ററുകള്‍ നീക്കംചെയ്തത്. ഇക്കാര്യമറിഞ്ഞതോടെയാണ് യുവതി നവീനുമായി തര്‍ക്കമുണ്ടാക്കിയതെന്നാണ് റിപ്പോര്‍ട്ടുകളില്‍ പറയുന്നത്.
A resident of the Aims Golf Avenue Society in Noida Sector 75 fought with a man from the same housing complex for removing a missing poster about her dog. The video of the fight, with the woman grabbing his collar and pulling his hair, went viral on Saturday. pic.twitter.com/tOt5kzqhY7
— News Bulletin (@newsbulletin05) September 24, 2023
