മക്കളോടുള്ള പക തീര്‍ത്തത് അമ്മയോട്; 55-കാരിയെ വീട്ടില്‍കയറി അടിച്ചുകൊന്നു

ശനിയാഴ്ച ഏനാത്തുണ്ടായ വഴിത്തര്‍ക്കമാണ് വീടുകയറിയുള്ള ആക്രമണത്തിലും വീട്ടമ്മയുടെ കൊലപാതകത്തിലും കലാശിച്ചതെന്ന് പോലീസ് പറഞ്ഞു. ഏനാത്ത് സ്വദേശികളും സമീപവാസികളുമായ ശരണ്‍, സന്ധ്യ എന്നിവര്‍ തമ്മില്‍ വഴിത്തര്‍ക്കം നിലവിലുണ്ടായിരുന്നു. ശനിയാഴ്ച ഇരുവരും തമ്മില്‍ തര്‍ക്കമുണ്ടായപ്പോള്‍ സന്ധ്യയെ അനുകൂലിച്ച് ചന്ദ്രലാലും സൂര്യലാലും ഇവിടെയെത്തി. വളര്‍ത്തുനായയുമായാണ് സഹോദരങ്ങള്‍ സംഭവസ്ഥലത്തെത്തിയത്. ഇതിനിടെ നായ സ്ഥലത്തുണ്ടായിരുന്ന ചിലരെ കടിച്ചുപരിക്കേല്‍പ്പിച്ചു. ഇതിന്റെ പ്രതികാരമായാണ് കഴിഞ്ഞദിവസം വീടുകയറിയുള്ള ആക്രമണമുണ്ടായത്.

അതേസമയം, ആക്രമണമുണ്ടായ സമയം ചന്ദ്രലാലും സൂര്യലാലും വീട്ടിലുണ്ടായിരുന്നില്ല. ഇവര്‍ നേരത്തെ വീട്ടില്‍നിന്നും മാറിനിന്നിരുന്നു. മക്കളെ തിരഞ്ഞെത്തിയ അക്രമിസംഘം ഒടുവില്‍ അമ്മയെയാണ് ക്രൂരമായി ആക്രമിച്ചത്. സംഭവത്തില്‍ പോലീസ് വിശദമായ അന്വേഷണം ആരംഭിച്ചിട്ടുണ്ട്.