പാളത്തിൽ കാട്ടാനക്കൂട്ടം, ഇരച്ചെത്തി ട്രെയിൻ; രക്ഷകരായി ലോക്കോ പൈലറ്റുമാർ – വിഡിയോ
കൊൽക്കത്ത: ലോക്കോ പൈലറ്റുമാരുടെ സമയോചിത ഇടപെടലിൽ മൂന്ന് കാട്ടാനകളുടെ ജീവൻ രക്ഷിച്ചു. പശ്ചിമ ബംഗാളിലെ രാജ്ഭട്ഖാവ സ്റ്റേഷന് സമീപം വെള്ളിയാഴ്ച പുലർച്ചെ 5.30നായിരുന്നു സംഭവം. ആനക്കൂട്ടം റെയിൽവേ ട്രാക്ക് മുറിച്ചു കടക്കാൻ ശ്രമിക്കുന്നതിനിടെയാണ് അതിവേഗത്തിൽ ട്രെയിൻ എത്തിയത്. ശ്രദ്ധയിൽപ്പെട്ട ലോക്കോ പൈലറ്റുമാർ എമർജൻസി ബ്രേക്ക് ഉപയോഗിച്ച് ട്രെയിൻ നിർത്തുകയായിരുന്നു.
ട്രെയിനിനുള്ളിൽ നിന്ന് ചിത്രീകരിച്ച ചെറു വീഡിയോയിൽ ഒരു ചെറിയ ആനക്കൂട്ടം റെയിൽവേ ട്രാക്കിലൂടെ കടന്നുപോകുന്നത് കാണിക്കുന്നു. അതിരാവിലെ ആയതിനാൽ ട്രെയിനിന്റെ ഹെഡ്‌ലൈറ്റിന്റെ വെളിച്ചത്തിൽ മാത്രമാണ് ആനകളെ കാണാനായത്.
Kudos to Loco Pilot Shri L K JHA and Assistant Loco pilot Shri ARINDAM BISWAS. Who used emergency brakes to save lives of three elephants on the track between APD Junction and Rajabhatkhawa station. At 05:30 AM on 2/12. pic.twitter.com/Xpj6lmuEMj
— Parveen Kaswan, IFS (@ParveenKaswan) December 3, 2022
ആനക്കൂട്ടം മടങ്ങിയതിനു ശേഷമാണ് യാത്ര പുനഃരാരംഭിച്ചത്. എൽ.കെ.ഝാ, അരിന്ദം ബിശ്വാസ് എന്നിവരായിരുന്നു ലോക്കോ പൈലറ്റുമാർ. ആനകൾ കടന്നുപോകുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായതോടെ ലോക്കോ പൈലറ്റുമാർക്ക് അഭിനന്ദനവുമായി നിരവധി പേർ രംഗത്തെത്തി. ഐഎഫ്എസ് ഉദ്യഗസ്ഥൻ പർവീൻ കസ്വാനും വിഡിയോ ട്വിറ്ററിൽ പങ്കുവച്ചിട്ടുണ്ട്.
ഡിസംബർ 3-ന് പങ്കുവെച്ച വീഡിയോ ഇതിനോടകം 32,000-ലധികം പേർ കാണുകയും കാഴ്ചകളും 2300-ഓളം ലൈക്കുകളും നേടി. ലോക്കോ പൈലറ്റുമാരുടെ സമയോചിതമായ പ്രവർത്തനം ഇന്റർനെറ്റിൽ പ്രശംസിക്കപ്പെടുകയാണ്, നിരവധി ഉപയോക്താക്കൾ അവരെ അഭിനന്ദിക്കുകയും അവരുടെ മനസ്സിന്റെ സാന്നിധ്യത്തെ പ്രശംസിക്കുകയും ചെയ്യുന്നു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
