കോമാളി വേഷം ധരിച്ച് ഗതാഗതം തടസപ്പെടുത്തി; പൊലീസ് പിടികൂടി വാഹനത്തിൽ കയറ്റാൻ ശ്രമിക്കുന്നതിനിടെ ഇറങ്ങി ഓടി – വീഡിയോ
സൗദി അറേബ്യയിലെ തിരക്കേറിയ റോഡില്‍ കോമാളി വേഷം ധരിച്ച് വാഹന ഗതാഗതം തടസപ്പെടുത്തിയ യുവാവിനെ പൊലീസ് അറസ്റ്റ് ചെയ്‍തു. റോഡില്‍ വെച്ച് ഒരു തവണ പൊലീസ് വാഹനത്തില്‍ നിന്ന് ഇറങ്ങിയോടിയ ഇയാളെ പിന്നീട് അറസ്റ്റ് ചെയ്‍തതായി സൗദി പൊതു സുരക്ഷാ വിഭാഗം അറിയിച്ചു.
അല്‍ അഹ്‍സ ഗവര്‍ണറേറ്റിലായിരുന്നു സംഭവം. കോമാളി വേഷം ധരിച്ച് വാഹന ഗതാഗതം തടസപ്പെടുത്തിയ ഇയാളെ പൊലീസ് എത്തി പിടികൂടുകയായിരുന്നു. തുടര്‍ന്ന് പൊലീസ് വാഹനത്തില്‍ കയറാന്‍ ഉദ്യോഗസ്ഥന്‍ ആവശ്യപ്പെടുന്നതിനിടെ ഇയാള്‍ ഓടി രക്ഷപ്പെട്ടു. ഇതിന്റെ വീഡിയോ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്. യുവാവിനെ പിന്നീട് അറസ്റ്റ് ചെയ്‍തതായും ആവശ്യമായ തുടര്‍ നടപടികള്‍ സ്വീകരിച്ച്, കേസ് പബ്ലിക് പ്രോസിക്യൂഷന് കൈമാറിയിട്ടുണ്ടെന്നും പൊതു സുരക്ഷാ വിഭാഗം ഔദ്യോഗിക ട്വിറ്റര്‍ ഹാന്റിലിലൂടെ അറിയിച്ചു. അറസ്റ്റ് ചെയ്ത ശേഷമുള്ള ചിത്രവും പൊലീസ് ട്വീറ്റ് ചെയ്‍തു.
വാഹന ഗതാഗതം തടസപ്പെടുത്തിയതിന് പൊലീസ് പിടികൂടിയ ശേഷം വാഹനത്തില്‍ കയറ്റുന്ന സമയത്ത് യുവാവ് രക്ഷപ്പെടുന്ന വീഡിയോ കാണാം…
— Baher Esmail (@EsmailBaher) February 23, 2023
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.
വിസിറ്റ് വിസകൾ പുതുക്കുന്നത് സംബന്ധിച്ച വിശദമായ വിവരങ്ങൾക്ക് ബന്ധപ്പെടുക:
0556884273
http://wa.me/+966556884273
