ഭാര്യയുമായി സൗഹൃദം; സമീപവാസിയായ യുവാവിനെ കൊന്ന് കനാലില്‍ തള്ളി, പ്രതി പിടിയില്‍
പത്തനംതിട്ട: കലഞ്ഞൂരില്‍ യുവാവിനെ കൊലപ്പെടുത്തി കനാലില്‍ തള്ളിയ കേസില്‍ സമീപവാസിയായ പ്രതി പിടിയില്‍. കടത്ത്വ സ്വദേശിയായ ശ്രീകുമാറിനെയാണ് ബുധനാഴ്ച രാത്രി പോലീസ് കസ്റ്റഡിയിലെടുത്തത്. സമീപവാസിയായ അനന്തു(28)വിനെയാണ് ശ്രീകുമാര്‍ കൊലപ്പെടുത്തിയത്.
ശ്രീകുമാറിന്റെ ഭാര്യയുമായി അനന്തുവിനുണ്ടായിരുന്ന സൗഹൃദവും ഇതിലുണ്ടായ സംശയവുമാണ് കൊലപാതകത്തിന് കാരണമായതെന്നാണ് പോലീസ് നല്‍കുന്നവിവരം. ഞായറാഴ്ച യുവാവിനെ കൊലപ്പെടുത്തി മൃതദേഹം കനാലില്‍ തള്ളിയശേഷം പ്രതി നാട്ടില്‍നിന്ന് കടന്നുകളയുകയായിരുന്നു. കുളത്തുമണ്‍ വനമേഖലയോട് ചേര്‍ന്ന് സ്വകാര്യവ്യക്തിയുടെ റബ്ബര്‍ പുകപ്പുരയില്‍ ഒളിവില്‍കഴിഞ്ഞുവരുന്നതിനിടെയാണ് ഇയാളെ പോലീസ് പിടികൂടിയത്.
ഞായറാഴ്ച മുതല്‍ കാണാതായ അനന്തുവിന്റെ മൃതദേഹം ചൊവ്വാഴ്ച രാവിലെയാണ് കല്ലട ജലസേചന പദ്ധതിയുടെ കനാലില്‍ കണ്ടെത്തിയത്. തലയ്ക്ക് പിന്നില്‍ ആഴത്തില്‍ മുറിവേറ്റനിലയിലായിരുന്നു മൃതദേഹം. പ്രാഥമിക പരിശോധനയില്‍തന്നെ സംഭവം കൊലപാതകമാണെന്ന് പോലീസ് കണ്ടെത്തിയിരുന്നു.
കീറിയനിലയില്‍ ഷര്‍ട്ടിന്റെ ഒരുഭാഗം മാത്രമാണ് മൃതദേഹത്തിലുണ്ടായിരുന്നത്. കനാലിനരികിലെ പ്ലാന്റേഷനില്‍ രക്തം ചിതറിക്കിടക്കുന്നതും കണ്ടെത്തി. പ്ലാന്റേഷനില്‍നിന്ന് കനാല്‍ വരെയുള്ള വഴിയില്‍ ചോരത്തുള്ളികളുമുണ്ടായിരുന്നു. അനന്തുവിന്റെ മൊബൈല്‍ഫോണും കനാലില്‍നിന്ന് കണ്ടെടുത്തിരുന്നു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
=================================================================================
സൗദി വിസിറ്റ് വിസകൾ ഇപ്പോൾ മുമ്പത്തേതിനേക്കാൾ എളുപ്പത്തിൽ പുതുക്കാം
ബന്ധപ്പെടുക:
0556884273
http://wa.me/+966556884273
