എയർഇന്ത്യ എക്‌സ്പ്രസ് വേനൽക്കാല ഷെഡ്യൂൾ പ്രഖ്യാപിച്ചു; ആഴ്ചയിൽ 603 സർവീസ്
കൊച്ചി: എയർഇന്ത്യ എക്‌സ്പ്രസിന്റെ വേനൽക്കാല ഷെഡ്യൂൾ നിലവിൽവന്നു. പരിഷ്കരിച്ച സമയക്രമമനുസരിച്ച് ആഴ്ചയിൽ 603 സർവിസുകളാണുള്ളത്. നേരത്തേ ഇത് 513 ആയിരുന്നു.
ജിദ്ദയിലേക്കും ക്വലാലംപൂരിലേക്കും പുതിയ സർവിസ് ഏർപ്പെടുത്തിയിട്ടുണ്ട്. കോഴിക്കോടുനിന്ന് ജിദ്ദയിലേക്ക് ആഴ്ചയിൽ നാലും കൊച്ചിയിൽനിന്ന് ഒന്നും സർവിസാണുള്ളത്.
ഇന്ത്യയിലെ വിവിധ വിമാനത്താവളങ്ങളിൽനിന്നായി ദുബൈക്ക് ആഴ്ചയിൽ 80 സർവിസുണ്ട്. കൊച്ചി, കോഴിക്കോട്, തിരുവനന്തപുരം, മംഗളൂരു, തിരുച്ചിറപ്പിള്ളി എന്നിവയടക്കം 10 വിമാനത്താവളങ്ങളിൽനിന്നാണ് ദുബൈ സർവിസ്.
15 അന്താരാഷ്ട്ര കേന്ദ്രങ്ങളിലേക്കും 19 ആഭ്യന്തര കേന്ദ്രങ്ങളിലേക്കുമാണ് എയർഇന്ത്യ എക്‌സ്പ്രസ് സർവീസ്. 24 വിമാനങ്ങളാണ് ഇതിനായി ഉപയോഗിക്കുന്നത്.
വാർത്തകൾ നേരിട്ടറിയാൻ വാട്ട്സ്ആപ്പ് ഗ്രൂപ്പിൽ അംഗമാകുക
https://chat.whatsapp.com/LUZAzz0xgyiIdj0abQ0OCc
