മക്കയിൽ മസാജ് കേന്ദ്രത്തിൽ അനാശാസ്യ പ്രവർത്തനം; പ്രവാസി അറസ്റ്റിൽ

മക്ക: മക്കയിലെ ഒരു മസാജ് കേന്ദ്രത്തിൽ അനാശാസ്യ പ്രവർത്തികളിൽ ഏർപ്പെട്ടതിന് ഒരു ഏഷ്യൻ പ്രവാസിയെ മക്ക മേഖല പോലീസ് അറസ്റ്റ് ചെയ്തു. അധാർമിക പെരുമാറ്റങ്ങളുമായി ബന്ധപ്പെട്ട നിയമലംഘനങ്ങൾ നിരീക്ഷിക്കുന്നതിനുള്ള അധികാരികളുടെ നിരന്തര ശ്രമങ്ങളുടെ ഭാഗമായാണ് അനാശാസ്യ കേന്ദ്രം കണ്ടെത്തിയതും അറസ്റ്റും.

കമ്മ്യൂണിറ്റി സെക്യൂരിറ്റി ആൻഡ് കോംബാറ്റിംഗ് ഹ്യൂമൻ ട്രാഫിക്കിംഗ് വിഭാഗവുമായി സഹകരിച്ചാണ് പോലീസ് ഈ അറസ്റ്റ് നടത്തിയത്. അറസ്റ്റിലായ പ്രതിക്കെതിരെ പ്രാഥമിക നിയമ നടപടികൾ സ്വീകരിച്ചിട്ടുണ്ട്. രാജ്യത്ത് നിലവിലുള്ള നിയമങ്ങൾക്കും ചട്ടങ്ങൾക്കും അനുസൃതമായി ഇയാൾക്കെതിരെ ആവശ്യമായ നിയമനടപടികൾ പൂർത്തിയാക്കുന്നതിനായി പബ്ലിക് പ്രോസിക്യൂഷൻ ഓഫീസിലേക്ക് കേസ് കൈമാറി.

പൊതു മൂല്യങ്ങളും സമൂഹ സുരക്ഷയും സംരക്ഷിക്കുന്നതിൽ പ്രതിജ്ഞാബദ്ധമാണെന്ന് മക്ക റീജിയൻ പോലീസ് വ്യക്തമാക്കി. ഇത്തരം നിയമലംഘനങ്ങൾ കർശനമായി നിരീക്ഷിക്കുകയും അവക്കെതിരെ ശക്തമായ നടപടികൾ സ്വീകരിക്കുകയും ചെയ്യുമെന്നും പോലീസ് അറിയിച്ചു.

ഗൾഫ് വാർത്തകളും അറിയിപ്പുകളും വാട്സ് ആപ്പിൽ അറിയാൻ ഇവിടെ അമർത്തി വാർത്ത ഗ്രുപ്പിൽ അംഗമാകുക

.

.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.