എട്ടുവയസ്സുകാരിക്ക് ‘ഫ്രഞ്ച് ലിപ്‌സ്’; ബ്ലോഗറുടെ ലിപ് ഫില്ലര്‍ ഇഞ്ചക്ഷന്‍ വീഡിയോ വിവാദത്തിൽ, നടപടി സ്വീകരിച്ച് അധികൃതൃർ – വീഡിയോ

കുവൈത്തില്‍ എട്ടുവയസ്സുകാരിക്ക് ലിപ് ഫില്ലര്‍ ഇഞ്ചക്ഷന്‍ എടുത്തതിനെ തുടര്‍ന്ന് ഡെര്‍മെറ്റോളജി ആന്‍ഡ് ബ്യൂട്ടി ക്ലിനിക്ക് അടച്ചുപൂട്ടി കുവൈത്ത് ആരോഗ്യ മന്ത്രാലയം. ഡോക്ടറെ സസ്‌പെന്‍ഡ് ചെയ്യുകയും ചെയ്തു.

പ്രശസ്ത കുവൈത്തി ബ്ലോഗര്‍ സാറ അല്‍ കന്ദാരി സ്‌നാപ് ചാറ്റില്‍ പങ്കുവെച്ച വീഡിയോയെ തുടര്‍ന്ന് സോഷ്യല്‍ മീഡിയയില്‍ വലിയ വിമര്‍ശനങ്ങളാണ് ഉയര്‍ന്നത്. കന്ദാരിയുടെ മകള്‍ക്ക് ലിപ് ഫില്ലര്‍ ഇഞ്ചക്ഷന്‍ നല്‍കുന്ന വീഡിയോയാണ് വിവിധ സോഷ്യല്‍ മീഡിയ പ്ലാറ്റ്‌ഫോമുകളില്‍ പ്രചരിച്ചതും വിവാദമായതും. ബ്യൂട്ടി ക്ലിനിക്ക് സന്ദര്‍ശിച്ചതും തന്റെ മകള്‍ കോസ്‌മെറ്റിക് ചികിത്സയിലൂടെ കടന്നു പോകുന്നതും വ്യക്തമാക്കുന്ന വീഡിയോയാണ് അവര്‍ പങ്കുവെച്ചത്.

‘ഫ്രഞ്ച് ലിപ്‌സ്’ എന്ന് പരാമർശിക്കുന്ന ചികിത്സാരീതിയുടെ വിശദാംശങ്ങളും ബ്ലോഗര്‍ വ്യക്തമാക്കി. മകള്‍ക്ക് ലിപ് ഫില്ലര്‍ ഇഞ്ചക്ഷന്‍ ചെയ്യുന്നതിന് മുമ്പും ശേഷവുമുള്ള വീഡിയോയും അവര്‍ പങ്കുവെച്ചു. കുട്ടിയില്‍ ഇത് രണ്ടാം തവണയാണ് ഇത്തരത്തിലുള്ള ചികിത്സാരീതി നടത്തുന്നതെന്നും കന്ദാരി അവകാശപ്പെടുന്നുണ്ട്.

എട്ടു വയസ്സുകാരിയായ മകള്‍ക്ക് ഇത്തരത്തില്‍ കോസ്‌മെറ്റിക് ചികിത്സ നടത്തിയത് കന്ദാരിയുടെ നിരുത്തരവാദപരമായ പെരുമാറ്റമാണെന്നായിരുന്നു സോഷ്യല്‍ മീഡിയയിലെ വിമര്‍ശനം. എന്നാല്‍ സംഭവം വിവാദമായപ്പോള്‍ ഇക്കാര്യം നിഷേധിച്ച ബ്ലോഗര്‍, 19 വയസ്സുള്ള മൂത്ത മകള്‍ക്കാണ് ചികിത്സ നടത്തിയതന്നും ഇളയ മകള്‍ക്കല്ലെന്നും മറ്റൊരു വീഡിയോയില്‍ പറഞ്ഞു. സംഭവത്തെ തുടര്‍ന്ന് ക്ലിനിക്ക് അടച്ചപൂട്ടിയതായും ഡോക്ടറെ സസ്‌പെന്‍ഡ് ചെയ്തതായും കുവൈത്ത് ആരോഗ്യ മന്ത്രാലയം പ്രസ്താവനയില്‍ അറിയിച്ചു. തുടര്‍ന്ന് കേസ് മെഡിക്കല്‍ റെസ്‌പോണ്‍സിബിലിറ്റി അതോറിറ്റിക്ക് കൈമാറി.

 

 

pic.twitter.com/gT7pRlPaEx

— GorAdd (@goradd23) December 24, 2023

 

 

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ അമർത്തുക

തൊഴിൽ വാർത്തകൾക്കും മറ്റു പ്രധാന അറിയിപ്പുകൾക്കും വാട്സ് ആപ്പ് ചാനൽ പിന്തുടരാൻ ഇവിടെ അമർത്തുക