അച്ഛനെ കൊല്ലാൻ 15കാരനായ മകൻ്റെ ശ്രമം; കണ്ണിൽ മുളകുപൊടിയിട്ട് വായിൽ തുണിതിരുകി ചുറ്റികകൊണ്ട് തലക്കടിച്ചു

തിരുവനന്തപുരം പോത്തൻകോട് രോഗിയായ അച്ഛനെ കൊല്ലാൻ ശ്രമിച്ച് പതിനഞ്ചുകാരനായ മകൻ. കൂട്ടുകാരന്റെ സഹായത്തോടെ കണ്ണിൽ മുളകുപൊടി തേച്ച് ചുറ്റിക ഉപയോഗിച്ച് തലയ്ക്കടിച്ചായിരുന്നു കൊലപാതക ശ്രമം. ഗുരുതരമായി പരിക്കേറ്റ പിതാവിനെ മെഡിക്കൽ കോളേജിൽ പ്രവേശിപ്പിച്ചു. കൃത്യത്തിന് ശേഷം വീടിനുള്ളിൽ തൂങ്ങിമരിക്കാൻ ശ്രമിച്ച മകനേയും ആശുപത്രിയിൽ പ്രവേശിപ്പിച്ചു. മകനെതിരെ പൊലീസ് കേസെടുത്തു.

ഇന്നലെ രാവിലെ 10:30 നാണ് കേസിനാസ്പദമായ സംഭവം നടന്നത്. അച്ഛൻ മർദ്ദിച്ചതിലുള്ള പ്രതികാരമാണ് കൊല്ലാൻ പ്രേരിപ്പിച്ചത്. വീടിനകത്ത് കട്ടിലിൽ കിടക്കുകയായിരുന്ന അച്ഛന്റെ അടുത്തേക്ക് 15കാരൻ കൂട്ടുകാരനുമായി വരികയും പിതാവിനെ കൊല്ലാൻ ശ്രമിക്കുകയും ചെയ്തു. ഈ സമയം പിതാവ് വീടിന് പുറത്തേക്ക് ഓടി രക്ഷപ്പെടുകയായിരുന്നു.