മലയാളി കുടുംബം സഞ്ചരിച്ച കാർ അപകടത്തിൽപ്പെട്ടു; ആറ് വയസ്സുകാരി മരിച്ചു
മസ്‌കത്ത്: ഒമാനില്‍ സ്‌കൂള്‍ കഴിഞ്ഞ് മടങ്ങവെ കാര്‍ അപകടത്തില്‍പ്പെട്ട്‌ മലയാളി വിദ്യാര്‍ഥിനി മരിച്ചു. സീബ് ഇന്ത്യന്‍ സ്‌കൂള്‍ രണ്ടാം തരം വിദ്യാര്‍ഥിനി അല്‍ന ടകിന്‍ (ആറ്) ആണ് മരിച്ചത്. എറണാകുളം പാലാരിവട്ടം സ്വദേശികളായ ടാക്കിന്‍ ഫ്രാന്‍സിസ് ഓലാറ്റുപുറത്തിന്റെയും ഭവ്യ വര്‍ഗീസിന്റെയും മകളാണ്
ഇവര്‍ സഞ്ചരിച്ച കാര്‍ നിയന്ത്രണം വിട്ട് മറിയുകയായിരുന്നു. അപകടത്തില്‍ പരുക്കേറ്റ ഇവരെ ആശുപത്രിയില്‍ എത്തിച്ചുവെങ്കിലും അല്‍ന ടാകിന്റെ മരണം സംഭവിച്ചിരുന്നു.
അമ്മയുടെയും സഹോദരങ്ങളുടെയും പരിക്ക് ഗുരുതരമല്ല. ഇവര്‍ ആശുപത്രിയില്‍ നിന്ന് വീട്ടിലേക്ക് മടങ്ങുകയും ഇന്നലെ വൈകീട്ടോടെ നാട്ടിലേക്ക് തിരിക്കുകയും ചെയ്തു. അല്‍ന ടകിന്റെ മരണത്തെ തുടര്‍ന്ന് ബുധനാഴ്ച സീബ് ഇന്ത്യന്‍ സ്‌കൂളിന് അവധി നല്‍കിയിരുന്നു.
വാർത്തകൾ വാട്സ് ആപ്പിൽ ലഭിക്കുവാൻ ഇവിടെ അമർത്തി ഗ്രൂപ്പിൽ അംഗമാകുക
