കണ്ണൂരിൽ നിന്നും ജിദ്ദയിലേക്ക് വിമാനം പറന്നത് വെറും ഏഴ് യാത്രക്കാരുമായി; സീറ്റ് മുഴുവൻ കാലിയാണെങ്കിലും ടിക്കറ്റ് നിരക്കിന് ഒട്ടും കുറവില്ല, യാത്രക്കാർ പുറത്ത് വിട്ട വീഡിയോ വൈറലാകുന്നു

May 31, 2023 News Desk

വൻ തുക നൽകിയാണ് കേരളത്തിൽ നിന്നും ജിദ്ദയിലേക്ക് പ്രവാസികൾ വിമാനടിക്കറ്റെടുക്കുന്നത്. എന്നാൽ തന്നെ സീറ്റില്ലെന്നാണ് വിമാന കമ്പനികൾ പറയുന്നത്. ഈ സാഹചര്യത്തിലാണ് കണ്ണൂരിൽ നിന്നും വെറും 7 യാത്രക്കാരുമായി മാത്രം ജിദ്ദയിലേക്ക് എയർ ഇന്ത്യ എക്സ്പ്രസ് പറന്നത്.

145 പേർക്ക് യാത്ര ചെയ്യാവുന്ന എയർ ഇന്ത്യ എക്സ്പ്രസ് വിമാനത്തിൽ കണ്ണൂരിൽ നിന്നും ജിദ്ദയിലേക്ക് യാത്ര ചെയ്തത് വെറും ഏഴ് പേർ മാത്രം. യാത്രക്കാർ തന്നെ ഇതിൻ്റെ വീഡിയോ ചിത്രീകരിച്ച് സമൂഹമാധ്യമങ്ങളിൽ പങ്കുവെച്ചു. കണ്ണൂരിൽ നിന്നുള്ള യാത്രക്ക് 38,000 രൂപയും, 28,000 രൂപയുമൊക്കെയാണ് ഈടാക്കുന്നതെന്നും, എന്നാൽ കോഴിക്കോട് നിന്ന് ഇതിനേക്കാൾ കുറച്ചാണ് ഈടാക്കുന്നതെന്നും വീഡിയോ പങ്കുവെച്ച യാത്രക്കാർ പരാതിപറയുന്നു. യാത്രക്കാർ ഇല്ലെങ്കിലും ടിക്കറ്റ് നിരക്കിൽ യാതൊരു കുറവുമില്ലെന്നും പരാതിയുണ്ട്.

അതേ സമയം കണ്ണൂർ വിമാനത്താവളത്തിനെതിരെ നടക്കുന്ന ഗൂഢാലോചനയുടെ ഭാഗമായാണ് ഇതെന്നും, ടിക്കറ്റ് നിരക്ക് വർധിപ്പിച്ച് യാത്രക്കാരെ കണ്ണൂരിൽ നിന്ന് അകറ്റാനും, അത് വഴി വിമാന സർവീസ് തന്നെ നിർത്തലാക്കാനുമുള്ള ശ്രമമാണ് നടക്കുന്നതെന്നും ചില യാത്രക്കാർ അഭിപ്രായപ്പെട്ടു. കണ്ണൂർ എയർപോർട്ടിനോട് കേന്ദ്ര സർക്കാർ കാണിക്കുന്ന അവഗണനക്കെതിരെ പ്രതിഷേധവും വാർത്തകളും പുറത്ത് വരുന്ന സാഹചര്യത്തിലാണ് യാത്രക്കാർ വീഡിയോ പുറത്ത് വിടുന്നത് എന്നത് ശ്രദ്ധേയമാണ്.

കണ്ണൂർ എയർപോർട്ട് എഫ്.ബി ഫാൻസ് പേജിലാണ് ആളുകളില്ലാതെ യാത്ര ചെയ്യുന്ന വിമാനത്തിൽ നിന്നുള്ള ദൃശ്യങ്ങളും യാത്രക്കാരുടെ ആവലാതികളും പങ്കുവെച്ചത്.

ഫേസ് ബുക്ക് പോസ്റ്റിൻ്റെ പൂർണരൂപം വായിക്കുക…

കണ്ണൂർ എയർപോർട്ട് ഈ കുറ്റം ആരുടെ പേരിൽ ചേർക്കാം ഇതിനൊക്കെ കരുകൾ ആകുന്നത് നമ്മൾ പ്രവാസികളും പിന്നെ കണ്ണൂര്ക്കാരായ നമ്മുടെ സ്വപ്നങ്ങളും

കണ്ണൂർ എയർപോർട്ട് നൊരു ചരമ ഗീതം…

“”ഇനിയും മരിക്കാത്ത കണ്ണൂർ എയർപോർട്ട് നിന്നാസന്ന മൃതിയില്‍ നിനക്കാത്മശാന്തി.”–രോമാഞ്ചം സിനിമയിലെ നിങ്ങൾക്കാദരാഞ്ജലി നേരട്ടെ എന്ന ടോണിൽ വായിക്കണം..

സീരിയസായി പറയുക ആണെങ്കിൽ പതുക്കെ മരിച്ചുകൊണ്ടിരിക്കുന്ന നമ്മുടെ കണ്ണൂർ എയർപോർട്ട് ഉത്‌ഘാടനം തുടങ്ങിയ അന്ന് മുതൽ ഇന്ന് വരെ ഒരു പുരോഗതിയും ഇല്ല. മലബാറിൽ നിന്നും ഏറ്റവും കൂടുതൽ ആളുകൾ ജോലി ചെയ്യുന്ന ദുബായിലേക്ക് ഒരു പാട് കാലം ഒരു GO എയർ ഫ്ലൈറ്റ് മാത്രം ആയിരുന്നു.

GO എയർ അന്ത്യ കർമ്മങ്ങൾക്കായി പുതപ്പിച്ചു കിടത്തുമ്പോൾ കണ്ണൂർ എയർപോർട്ട് യൂസേഴ്സ് ആയ എന്നെപ്പോലുള്ളവരുടെ കണ്ണുകൾ അറിയാതെ നനഞ്ഞുപോകും. കോഴിക്കോടേക്ക്‌ ഏതാണ്ട് നാലഞ്ച് ഫ്ലൈറ്റ് ഉണ്ട് ദുബായിൽ നിന്നും ദിനേനെ . ഈ എയർപോർട്ട് ന്റെ പുരോഗതിക്കു വേണ്ടി പ്രവർത്തിക്കേണ്ട കിയാൽ ചെയർമാനും എയർപോർട്ട് ന്റെ പ്രാന്ത പ്രദേശത്തെ ജനപ്രതിനിധിയും സംസ്ഥാന മുഖ്യ ഭരണാധികാരിയും ആയ ആളുപോലും കണ്ണൂർ എയർപോർട്ട് വികസനം സീരിയസായി എടുത്തിട്ടുണ്ടോ എന്ന് സംശയമാണ്.

കണ്ണൂർ എയർപോർട്ടിൽ ഇറങ്ങിയാൽ അരമണിക്കൂർ കൊണ്ട് വീടെത്താം എന്ന് കരുതുന്ന എന്നെ പോലുള്ള പ്രവാസികളെ സംബന്ധിച്ച് കണ്ണൂർ എയർപോർട്ട് മരിക്കാതെ ഇരിക്കേ

വൈറൽ വീഡിയോ കാണുക..

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.