‘ആസാദ് കശ്മീർ’ പരാമർശം: കെ.ടി ജലീലിനെതിരെ പ്രസക്തമായ വകുപ്പുകൾ ചുമത്തി കേസെടുക്കാൻ കോടതി ഉത്തരവിട്ടു

സുപ്രീം കോടതി അഭിഭാഷകൻ ജിഎസ് മണിയൻ സമർപ്പിച്ച ഹർജിയിലാണ് ഉത്തരവ്. രാജ്യദ്രോഹക്കുറ്റം ചുമത്തണമെന്ന് അദ്ദേഹം കോടതിയിൽ ആവശ്യപ്പെട്ടിരുന്നു. എന്നാൽ, ഉത്തരവിലെ വകുപ്പുകൾ കോടതി വ്യക്തമാക്കിയിട്ടില്ല. 

ജലീലിനെതിരെ നടപടിയെടുക്കാൻ കോടതി ഉത്തരവ് വേണമെന്ന നിലപാടാണ് തിലക് മാർഗ് പൊലീസ് നേരത്തെ സ്വീകരിച്ചിരുന്നത്. നേരത്തെ കേരള പോലീസും സമാനമായ കോടതി ഉത്തരവിനെ തുടർന്ന് കേസെടുത്തിരുന്നു.

ഇതേ വിഷയത്തിൽ കേരള പോലീസ് രജിസ്റ്റർ ചെയ്ത കേസ് ചൂണ്ടിക്കാട്ടി, പുതിയ കേസിൻ്റെ ആവശ്യമുണ്ടോെ എന്നും,  കോടതി ഉത്തരവിട്ടാൽ ജലീലിനെതിരെ പുതിയ കേസെടുക്കുമെന്നുമായിരുന്നു ഡൽഹി പോലീസ് കോടതിയെ അറിയിച്ചിരുന്നത്. ഇതിൻ്റെ അടിസ്ഥാനത്തിലാണ് കെ.ടി ജലീലിനെതിരെ പ്രസക്തമായ വകുപ്പുകൾ ചുമത്തി കേസെടുക്കാൻ കോടതി ഉത്തരവിട്ടത്.