സൌദിയിൽ കാർ സർവിസ് സ്റ്റേഷനിൽ തീപിടിത്തം; ഒരു മാസം മുമ്പ് നാട്ടിൽ നിന്നെത്തിയ മലയാളി മരിച്ചു
സൌദിയിൽ റിയാദിലെ കാർ സർവിസ് സ്റ്റേഷനിലുണ്ടായ തീപിടിത്തത്തിൽ മലയാളി മരിച്ചു. തിരുവനന്തപുരം മണ്ണാംകോണം സ്വദേശി റോബർട്ട് ജോൺ ആണ് മരിച്ചത്. 52 വയസ്സായിരുന്നു.
ഇന്ന് പുലർച്ചെയാണ് അപകടമുണ്ടായത്. റിയാദിലെ സുലൈയിൽ നാഷനൽ ഗാർഡ് ആശുപത്രിക്ക് സമീപമുള്ള സനാഇയിലെ സർവിസ് സ്റ്റേഷനുകളിലൊന്നിലാണ് തീപിടിത്തമുണ്ടായത്.
അഗ്നിബാധയുണ്ടായ സമയത്ത് സർവിസ് സ്റ്റേഷനിൽ 18 പേരുണ്ടായിരുന്നെന്നും റോബർട്ട് ഒഴികെ എല്ലാവരും പുറത്തേക്കോടി രക്ഷപ്പെടുയായിരുന്നെന്നുമാണ് കൂടെയുണ്ടായിരുന്നവരിൽ നിന്ന് ലഭിക്കുന്ന വിവരം. ഈ സമയത്ത് റോബർട്ട് ഉറക്കത്തിലായിരുന്നു. റോബർട്ടിനെ വിളിച്ചുണർത്തി തീപിടുത്തമുണ്ടായതായും, രക്ഷപ്പെടണമെന്നും അറിയിച്ച ശേഷമാണ് കൂടെയുണ്ടായിരുന്നവർ പുറത്തേക്കോടിയത്.
ദീർഘകാലം സൗദിയിലുണ്ടായിരുന്ന റോബർട്ട് പ്രവാസം അവസാനിപ്പിച്ച് നാട്ടിൽ പോയിരുന്നു. ശേഷം ഒരു മാസം മുമ്പാണ് പുതിയ വിസയിൽ റിയാദിൽ തിരിച്ചെത്തിയത്.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
