നാല് ദിവസത്തെ സൗദി സന്ദർശനത്തിനായി കേന്ദ്ര ഹജ്ജ് കമ്മറ്റി ചെയർമാൻ എ.പി അബ്ദുല്ല കുട്ടി ജിദ്ദയിലെത്തി. വിമാനത്താവളത്തിൽ ഹൃദ്യമായ സ്വീകരണം

ജിദ്ദ: കേന്ദ്ര ഹജ്ജ് കമ്മിറ്റി ചെയർമാനും ബിജെപി നാഷണൽ വൈസ് പ്രസിഡണ്ടുമായ എ.പി അബ്ദുല്ല കുട്ടി നാല് ദിവസത്തെ സൌദി സന്ദർശനത്തിനായി ജിദ്ദയിലെത്തി. ഇന്നലെ രാത്രിയാണ് അബ്ദുല്ല കുട്ടി ജിദ്ദയിലെത്തിയത്. കോൺസുലേറ്റ് വൃത്തങ്ങളും ബിജെപിയുടെ സൌദി ഘടകമായി ഇന്ത്യ ഓവർസീസ് ഫോറം (ഐഒഎഫ്) പ്രതിനിധികും ചേർന്ന് അദ്ദേഹത്തെ ജിദ്ദ വിമാനത്താവളത്തിൽ സ്വീകരിച്ചു.

ഹജ്ജുമായി ബന്ധപ്പെട്ട കാര്യങ്ങൾ ചർച്ച ചെയ്യുകയും മക്ക, മദീന എന്നിവിടങ്ങൾ സന്ദർശിച്ച് ഹജ്ജ് ഒരുക്കങ്ങൾ വിലയിരുത്തുകയും ചെയ്യും. തുടർന്ന് ഹജ്ജുമായി ബന്ധപ്പെട്ട മറ്റ് ചർച്ചകളും പൂർത്തിയാക്കിയ ശേഷം പതിനെട്ടാം തിയതി നാട്ടിലേക്ക് തിരിച്ച് പോകുമെന്നും ഐഒഫ് അറിയിച്ചു.

ജിദ്ദയിലെത്തിയ ബി.ജെ.പി നാഷണൽ വൈസ് പ്രസിഡന്റും സെൻട്രൽ ഹജ്ജ് കമ്മിറ്റി ചെയർമാനുമായ എ.പി അദ്ബുല്ല കുട്ടിയെ സ്വീകരിക്കുന്നതിനായി ഡെപ്യൂട്ടി കോണ്സുൽ ജനറൽ വൈ.സാബിർ വിമാനത്താവളത്തിലെത്തിയിരുന്നു. IOF നാഷണൽ വൈസ് പ്രസിഡന്റ് ജയറാം പിള്ള പൊന്നാട അണിയിച്ചു അദ്ദേഹത്തെ ആദരിച്ചു.  IOF നാഷണൽ കൺവീനർ പ്രവീൺ പിള്ള പൂച്ചെണ്ട് നൽകി അദ്ദേഹത്തെ സ്വികരിച്ചു.
കൂടാതെ IOF വെസ്റ്റേൺ പ്രൊവിൻസ് ജനറൽ സെക്രെട്ടറി ശ്രീ റോഷൻ നായർ , കമ്മിറ്റി അംഗങ്ങളായ ശ്രീ വിഷ്ണു , ശ്രീ അരുൺ എന്നവർ അദ്ദേഹത്തെ സ്വീകരിക്കാൻ വിമാനത്താവളത്തിൽ എത്തിച്ചേർന്നിരുന്നു

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക