മക്ക മദീന നഗരങ്ങളിലെ ടൂറിസ്റ്റ് താമസ കേന്ദ്രങ്ങളുടെ പദവി ശരിയാക്കാനുള്ള കാലാവധി നീട്ടി

മക്ക, മദീന എന്നീ നഗരങ്ങളിലെ എല്ലാ ടൂറിസ്റ്റ് താമസ സൗകര്യങ്ങൾക്കുമുള്ള വ്യവസ്ഥകൾ ക്രമീകരിക്കുന്നതിനുള്ള കാലപരിധി ഒരു വർഷത്തേക്ക് കൂടി നീട്ടാൻ ടൂറിസം മന്ത്രി അഹമ്മദ് അൽ ഖത്തീബ് അനുമതി നൽകി. നേരത്തെ അനുവദിച്ചിരുന്ന കാലപരിധി അവാസിക്കുന്ന തിയതി മുതൽ ഒരു വർഷത്തേക്ക് കൂടിയാണ് നീട്ടിനൽകുക. 

മക്കയിലെയും മദീനയിലെയും വിനോദസഞ്ചാരികളുടെ താമസ സൗകര്യങ്ങളിൽ ഹജ്ജ്, ഉംറ കർമ്മങ്ങൾ നിർവ്വഹിക്കുന്നതിന് കോവിഡ് മൂലം ഏർപ്പെടുത്തിയ നിയന്ത്രണങ്ങളുടെ ഫലമായുണ്ടാകുന്ന സാമ്പത്തിക പ്രത്യാഘാതങ്ങൾ കണക്കിലെടുത്താണ് തീരുമാനം.

ടൂറിസ്റ്റ് അക്കമഡേഷൻ ഫെസിലിറ്റീസ് റെഗുലേഷന്റെ ആർട്ടിക്കിൾ 38 അനുസരിച്ച്, നിലവിൽ ടൂറിസ്റ്റ് താമസ സൗകര്യങ്ങളുടെ പ്രവർത്തനം പരിശീലിക്കുന്നതിന് ലൈസൻസ് ഉള്ളവർ വ്യവസ്ഥകൾക്കനുസൃതമായാണ് ക്രമീകരിക്കേണ്ടത്.

തീരുമാനം ഔദ്യോഗിക ഗസറ്റിൽ പ്രസിദ്ധീകരിക്കുന്ന തീയതി മുതൽ പ്രാബല്യത്തിൽ വരും, അതിന് വിരുദ്ധമായ എല്ലാ തീരുമാനങ്ങളും റദ്ദാക്കപ്പെടുന്നതാണ്