ഷാര്‍ജയിലെ സ്വകാര്യ സ്‍കൂളുകളില്‍ ഓഫ് ലൈന്‍ ക്ലാസുകള്‍ പുനരാരംഭിക്കുന്നു
ഹുദ ഹബീബ്
ഷാർജ :ഷാര്‍ജയിലെ എല്ലാ സ്കൂളുകളിലും ഓഫ് ലൈന്‍ ക്ലാസുകള്‍ പുനരാരംഭിക്കാന്‍ തീരുമാനിച്ചു. അടുത്ത ഏപ്രിലില്‍ ആരംഭിക്കുന്ന പുതിയ അധ്യയന വര്‍ഷത്തിലാന് നേരിട്ടുള്ള ക്ലാസുകള്‍ ആരംഭിക്കുന്നത്.
ദേശീയ ദുരന്ത നിവാരണ അതോറിറ്റിയുടെ സഹകരണത്തോടെ ഷാര്‍ജ പ്രൈവറ്റ് എജ്യുക്കേഷന്‍ അതോറിറ്റിയാണ് (എസ്.പി.ഇ.എ) ഇക്കാര്യം അറിയിച്ചത്. കോവിഡ് വ്യാപിച്ച സാഹചര്യത്തിലാണ് ഷാര്‍ജ ഉള്‍പെടെയുള്ള എമിറേറ്റുകളിലെ വിദ്യാഭ്യാസ സ്ഥാപനങ്ങള്‍ ഓണ്‍ലൈന്‍ പഠനത്തിലേക്ക് മാറിയത്. രോഗബാധിതരുടെ എണ്ണം കുറഞ്ഞതോടെ ക്ലാസ് മുറികളില്‍ കുട്ടികള്‍ എത്തിയിരുന്നു. ഓണ്‍ലൈനും ഓഫ്ലൈനും ഒരുമിക്കുന്ന ഹൈബ്രിഡ് പഠന രീതിക്കും അനുമതി നല്‍കിയിരുന്നു. എന്നാല്‍, അടുത്ത അധ്യയന വര്‍ഷം മുതല്‍ പൂര്‍ണമായും ഓൺലൈനിൽ നിന്ന് ഓഫ്ലൈന്‍ പഠനത്തിലേക്ക് മാറുമെന്നാണ് എസ്.പി.ഇ.എയുടെ അറിയിപ്പ്.
