ക്യൂബയിലെ പഞ്ചനക്ഷത്ര ഹോട്ടലിൽ വൻ സ്ഫോടനം. 22 പേർ മരിച്ചു – വീഡിയോ

ക്യൂബയിലെ ഏറ്റവും പ്രധാനപ്പെട്ട പഞ്ചനക്ഷത്ര ഹോട്ടലുകളിലൊന്നിൽ നടന്ന വൻ സ്‌ഫോടനത്തിൽ 22 പേർ മരിച്ചു. 60-ലധികം പേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.

ഓൾഡ് ഹവാനയിലെ സരട്ടോഗ ഹോട്ടലാണ് സ്ഫോടനത്തിൽ  തകർന്നത്. ഹോട്ടലിന് പുറത്ത് നിർത്തിയിട്ടിരുന്ന ഗ്യാസ് ടാങ്കറിന് തീപിടിച്ച് പൊട്ടിത്തെറിച്ച് കെട്ടിടത്തിന്റെ നിരവധി നിലകൾ തകർന്നു. അവശിഷ്ടങ്ങൾക്കിടയിൽ കുടുങ്ങിക്കിടക്കുന്നവരെ കണ്ടെത്താനുള്ള തിരച്ചിൽ, രക്ഷാപ്രവർത്തനം നടന്നുവരികയാണ്. മരിച്ചവരിൽ ഗർഭിണിയും ഒരു കുട്ടിയും ഉൾപ്പെട്ടിട്ടുണ്ടെന്ന് ക്യൂബൻ പ്രസിഡൻസി അറിയിച്ചു. പരിക്കേറ്റവർ സമീപത്തെ ആശുപത്രികളിൽ ചികിത്സയിലാണ്.