അശ്ലീല ചിത്രത്തിൽ അഭിനയിച്ചെന്ന് സംശയം: ഭർത്താവ് ഭാര്യയെ മക്കൾക്ക് മുമ്പിൽ വെച്ച് കുത്തിക്കൊന്നു

ഭാര്യ അശ്ലീല ചിത്രത്തിൽ അഭിനയിച്ചിട്ടുണ്ടെന്ന സംശയത്തെ തുടർന്ന് ഭർത്താവ് ഭാര്യയെ മക്കൾക്ക് മുമ്പിൽ വെച്ച് കുത്തിക്കൊലപ്പെടുത്തി. ഞായറാഴ്ച ബംഗളൂരുവിലെ രാമനഗറിന് സമീപത്താണ് സംഭവം നടന്നത്. സംഭവത്തിൽ ഓട്ടോ ഡ്രൈവറായ പ്രതി ജഹീർ പാഷ (40) യെ പൊലീസ് അറസ്റ്റ് ചെയ്തു. ജഹീറിന്‍റെ ഭാര്യ മുബീനയാണ് കൊല്ലപ്പെട്ടത്.

സ്ഥിരമായി അശ്ലീല ചിത്രങ്ങൾ കാണുന്ന വ്യക്തിയായിരുന്നു ജഹീർ. ഇത്തരത്തിലുള്ള ചിത്രങ്ങൾ മുബീനയും അഭിനയിച്ചിട്ടുണ്ടെന്ന സംശയത്തെ തുടർന്ന് രണ്ട് മാസങ്ങൾക്ക് മുൻപ് നടന്ന കുടുംബ പരിപാടിയിൽ വച്ചും ജഹീർ മൂബീനയെ മർദ്ദിച്ചിരുന്നു. അന്ന് മർദ്ദനത്തിൽ ഗുരുതരമായി പരിക്കേറ്റ മുബീന 20 ദിവസം ഹോസ്പിറ്റലിലായിരുന്നുവെന്നും പൊലീസ് പറയുന്നു. 15 വർഷങ്ങൾക്ക് മുൻപാണ് ഇരുവരും തമ്മിലുള്ള വിവാഹം നടന്നത്.

കൂടുതൽ വാർത്തകൾക്ക് വാട്ട്സ്ആപ്പ് ഗ്രൂപ്പിൽ അംഗമാകാം
https://chat.whatsapp.com/DXQKEOO2hmYK5l78SOMrkd