മകളെ കൊലപ്പെടുത്തി പിതാവ് ആത്മഹത്യ ചെയ്ത സംഭവം; മരണത്തിന് മണിക്കൂറുകള്ക്കു മുന്പും കുട്ടി ലൈംഗിക പീഡനത്തിന് ഇരയായെന്ന് പോസ്റ്റ്മോര്ട്ടം റിപ്പോര്ട്ട്
കൊച്ചി: എളമക്കരയില് മകളെ കൊലപ്പെടുത്തി പിതാവ് ആത്മഹത്യ ചെയ്ത സംഭവത്തില് മരണത്തിന് മണിക്കൂറുകള്ക്കു മുന്പും കുട്ടി ലൈംഗിക പീഡനത്തിന് ഇരയായെന്ന് പോസ്റ്റ്മോര്ട്ടം റിപ്പോര്ട്ട്. പെണ്കുട്ടി ഒരു വര്ഷത്തോളം പീഡനത്തിനിരയായെന്നാണ് റിപ്പോര്ട്ടിലുള്ളത്.
പോസ്റ്റ്മോര്ട്ടം റിപ്പോര്ട്ടിലെ നടുക്കുന്ന കണ്ടെത്തലിന്റെ പശ്ചാത്തലത്തില് പോക്സോ കേസ് രജിസ്റ്റര് ചെയ്ത് അന്വേഷണം ആരംഭിച്ചിരിക്കുകയാണ് എളമക്കര പോലീസ്. ആരാണ് പീഡിപ്പിച്ചതെന്നതില് അന്വേഷണം ഊര്ജിതമാക്കിയിട്ടുണ്ട് പോലീസ്. അതേസമയം, കുട്ടി പീഡിപ്പിക്കപ്പെട്ടതിനെ കുറിച്ച് അറിയില്ലെന്നാണ് അമ്മയുടെ മൊഴി. അമ്മ കൊച്ചിയിലെ സ്വകാര്യ സ്ഥാപനത്തില് ജോലി ചെയ്തുവരികയാണ്.
കഴിഞ്ഞമാസം 16നാണ് അച്ഛനെയും മകളെയും വീട്ടില് മരിച്ച നിലയില് കണ്ടെത്തിയത്. അമ്മ ജോലി കഴിഞ്ഞ് വീട്ടിലെത്തിയപ്പോഴാണ് കുട്ടിയേയും അച്ഛനേയും മരിച്ചനിലയില് കണ്ടെത്തിയത്. വിഷം ഉള്ളില് ചെന്ന നിലയില് കുഞ്ഞിനേയും തൂങ്ങി മരിച്ച നിലയില് അച്ഛേേനയും കണ്ടെത്തുകയായിരുന്നു.
….
