പിഎഫ് ഫണ്ട് യുപിഐ വഴി പിൻവലിക്കാം, ആപ്പ് ഒരുങ്ങുന്നു; ഏപ്രിൽ മുതൽ സേവനം ലഭ്യമായേക്കും

ന്യൂഡൽഹി: യുപിഐ ഉപയോഗിച്ച് പ്രോവിഡന്റ് ഫണ്ടിൽ നിന്ന് പണം പിൻവലിക്കാൻ സൗകര്യമൊരുങ്ങുന്നു. ഏപ്രിൽ മുതലാണ് യുപിഐ ഉപയോഗിച്ച് പണം പിൻവലിക്കാനുള്ള സൗകര്യം ഏർപ്പെടുത്തുന്നതെന്ന് എംപ്ലോയീസ് പ്രെവിഡന്റ് ഫണ്ട് ഓർഗനൈസേഷൻ അറിയിച്ചു.

പുതുതായി രൂപകൽപ്പന ചെയ്യുന്ന മൊബൈൽ ആപ്പിലൂടെയാണ് സേവനം ലഭ്യമാകുന്നത്. യുപിഐ പേയ്മെന്റ് ഗേറ്റ്‌വേ വഴി ജീവനക്കാരുടെ പ്രോവിഡന്റ് ഫണ്ടിൽ നിന്ന് പണം നേരിട്ട് അവരുടെ ബാങ്ക് അക്കൗണ്ടിലേക്ക് മാറ്റാൻ കഴിയുമെന്ന് വ‍ൃത്തങ്ങൾ അറിയിച്ചു. 

നിലവിൽ പിഎഫ് ക്ലെയിമുകൾ തീർപ്പാക്കാൻ അധിക സമയം ആവശ്യമാണ്. ഇത് ഒഴിവാക്കാനാണ് പുതിയ മാറ്റം ലക്ഷ്യമിടുന്നത്. പരമാവധി 25,000 രൂപയാണ് ഒരിടപാടിൽ യുപിഐ വഴി പിൻവലിക്കാൻ സാധിക്കുന്നത്. അതേസമയം, വിരമിക്കൽ സുരക്ഷ്ക്കായി മൊത്തം പിഎഫ് തുകയുടെ 25% ലോക്ക് ചെയ്യപ്പെട്ട നിലയിലായിരിക്കും. 100 ഡമ്മി അക്കൗണ്ടുകൾ ഉപയോഗിച്ച് ആപ്പിന്റെ സാങ്കേതിക പരീക്ഷണങ്ങൾ തൊഴിൽ മന്ത്രാലയം നടത്തിവരികയാണ്.