സൗദിയിൽ പ്രവാസികളുടെ തൊഴിൽ പെർമിറ്റുകൾ നൈപുണ്യ നിലവാരത്തിൻ്റെ അടിസ്ഥാനത്തിൽ മൂന്ന് വിഭാഗങ്ങളായി തിരിച്ചു; പദ്ധതിയുടെ ആദ്യഘട്ടത്തിന് ഇന്ന് തുടക്കം
- പദ്ധതി രണ്ട് ഘട്ടങ്ങളിലായി നടപ്പിലാക്കും, ആദ്യ ഘട്ടത്തിന് ഇന്ന് തുടക്കം.
. - ഓരോ വിഭാഗത്തിനും പ്രത്യേകം ശമ്പള പരിതികൾ നിശ്ചയിക്കും.
. - അക്കാദമിക യോഗ്യതകൾ, പ്രായോഗിക പരിചയം, പ്രൊഫഷണൽ കഴിവുകൾ, വേതനം, പ്രായം എന്നിവ മാനദണ്ഡങ്ങളാകും.
റിയാദ്: (ജൂലൈ 6, 2025) സൗദിയിൽ പ്രവാസി തൊഴിലാളികളുടെ തൊഴിൽ പെർമിറ്റുകളെ നൈപുണ്യ നിലവാരത്തിന്റെ അടിസ്ഥാനത്തിൽ മൂന്ന് പ്രധാന വിഭാഗങ്ങളായി തിരിച്ച് പുതിയ തീരുമാനം പുറത്തിറക്കി. മാനവ വിഭവശേഷി, സാമൂഹിക വികസന മന്ത്രാലയത്തിൻ്റേതാണ് തീരുമാനം. ഉയർന്ന വൈദഗ്ദ്യമുള്ളവർ (High Skill), വൈദഗ്ദ്യമുള്ളവർ (Skill), അടിസ്ഥാന യോഗ്യതയുള്ളവർ (Basic) എന്നിവയാണ് ഈ വിഭാഗങ്ങൾ. പ്രവാസി തൊഴിലാളികളുടെ കഴിവുകൾ തരംതിരിക്കുന്നതിനുള്ള വ്യക്തമായ മാനദണ്ഡങ്ങൾ നിശ്ചയിക്കുവാനും ഈ സുപ്രധാന തീരുമാനത്തിൽ ഉൾപ്പെടുത്തിയിട്ടുണ്ട്.
.
സൗദി തൊഴിൽ വിപണിയുടെ കാര്യക്ഷമത വർദ്ധിപ്പിക്കാനും, ഉയർന്ന നിലവാരവും കഴിവുകളുമുളള പ്രവാസികളെ ആകർഷിക്കാനും, ജീവനക്കാരുടെ പ്രകടനം മെച്ചപ്പെടുത്താനും ലക്ഷ്യമിട്ടുള്ളതാണ് പുതിയ നീക്കം. വിദേശ വൈദഗ്ധ്യം നേടിയവരെ രാജ്യത്തേക്ക് ആകർഷിക്കാനുളള മന്ത്രാലയത്തിന്റെ വിശാലമായ ലക്ഷ്യങ്ങളുടെ ഭാഗംകൂടിയാണിത്. സൗദി ഏകീകൃത തൊഴിൽ വർഗ്ഗീകരണവുമായി (Saudi Unified Occupational Classification) കൂടുതൽ പൊരുത്തപ്പെടൽ സാധ്യമാക്കുന്നതിലൂടെയും, പ്രതിഭകളെ ആകർഷിച്ച് നവീകരണത്തിനും ഭാവി നിക്ഷേപങ്ങൾക്കും അനുകൂലമായ അന്തരീക്ഷം കെട്ടിപ്പടുക്കുന്നതിനും ഈ തീരുമാനം സഹായകമാകും.
.
പ്രധാന ലക്ഷ്യങ്ങൾ: സൗദി അറേബ്യയിലെ വിദേശ തൊഴിലാളികളുടെ ഗുണപരമായ അനുപാതങ്ങൾ നിർണ്ണയിക്കുക, സ്ഥിരീകരണ സംവിധാനങ്ങൾ വികസിപ്പിക്കുക, ഉയർന്ന വൈദഗ്ധ്യവും കഴിവുമുള്ള വ്യക്തികളെ ആകർഷിക്കുന്നതിനുള്ള മികച്ച രീതികൾ നടപ്പിലാക്കുക എന്നിവയും ഈ തീരുമാനത്തിന്റെ ലക്ഷ്യങ്ങളാണ്.
.
രണ്ട് ഘട്ടങ്ങളായി നടപ്പാക്കും: പുതിയ തീരുമാനം രണ്ട് ഘട്ടങ്ങളിലായാണ് നടപ്പിലാക്കുക.
- ഒന്നാം ഘട്ടം (2025 ജൂലൈ 6 മുതൽ): നിലവിൽ രാജ്യത്തുള്ള തൊഴിലാളികൾക്കുള്ള വർക്ക് പെർമിറ്റുകൾ അവരുടെ ശമ്പളത്തിന്റെയും ജോലിയുടെയും അടിസ്ഥാനത്തിൽ തരംതിരിക്കും.
- രണ്ടാം ഘട്ടം (2025 ഓഗസ്റ്റ് 3 മുതൽ): രാജ്യത്തേക്ക് ആദ്യമായി എത്തുന്ന പുതിയ തൊഴിലാളികളുടെ വർക്ക് പെർമിറ്റുകൾ തരംതിരിക്കും.
രണ്ട് ഘട്ടങ്ങൾക്കുമുള്ള വർഗ്ഗീകരണ പ്രക്രിയ മന്ത്രാലയത്തിന്റെ ഓൺലൈൻ സംവിധാനമായ ‘ഖിവ പ്ലാറ്റ്ഫോം’ (Qiwa Platform) വഴി ലഭ്യമാകും. മാനദണ്ഡങ്ങൾ പാലിക്കുന്നവർക്ക് മൂന്ന് വിഭാഗങ്ങൾക്കിടയിൽ മാറാനുള്ള വഴക്കവും മന്ത്രാലയം ഉറപ്പാക്കുന്നു.
.
വർഗ്ഗീകരണ മാനദണ്ഡങ്ങൾ: വർക്ക് പെർമിറ്റ് ക്ലാസിഫിക്കേഷൻ ഗൈഡ് ലൈസൻസുകളെ തരംതിരിക്കാൻ ചില പ്രധാന മാനദണ്ഡങ്ങൾ നിശ്ചയിച്ചിട്ടുണ്ട്. അവ താഴെ പറയുന്നവയാണ്:
- അക്കാദമിക യോഗ്യതകൾ: തൊഴിലിന് അനുയോജ്യമായ വിദ്യാഭ്യാസ നിലവാരം.
- പ്രായോഗിക പരിചയം: ആവശ്യമായ വർഷങ്ങളുടെ പ്രവൃത്തി പരിചയം.
- പ്രൊഫഷണൽ കഴിവുകൾ: അക്രഡിറ്റേഷൻ പ്രോഗ്രാമുകളെയും തൊഴിലിന്റെ സ്വഭാവത്തെയും അടിസ്ഥാനമാക്കിയുള്ള കഴിവുകൾ.
- വേതനം: മന്ത്രാലയം ഓരോ വിഭാഗത്തിനും സാമ്പത്തിക പ്രവർത്തനത്തെ അടിസ്ഥാനമാക്കി നിശ്ചയിക്കുന്ന പ്രത്യേക വേതന പരിധികൾ.
- പ്രായം: തൊഴിലിന്റെ സ്വഭാവവും ആവശ്യകതകളും അനുസരിച്ച് പ്രായപരിധി നിർണ്ണയിക്കുന്നു.
.
ഓരോ വിഭാഗത്തിനുമുള്ള നിർദ്ദേശങ്ങൾ:
- ഉയർന്ന വൈദഗ്ധ്യമുള്ള വിഭാഗം (High Skill):
- തൊഴിൽ സൗദി ഏകീകൃത തൊഴിൽ വർഗ്ഗീകരണത്തിലെ പ്രധാന തൊഴിൽ ഗ്രൂപ്പുകളിൽ (1 മുതൽ 3 വരെ) ഉൾപ്പെടണം.
- മന്ത്രാലയം വ്യക്തമാക്കിയ അക്രഡിറ്റേഷൻ പ്രോഗ്രാമും പോയിന്റ് സിസ്റ്റവും പാസാകണം.
- തൊഴിലാളിയുടെ വേതനം ഈ വിഭാഗത്തിനായി മന്ത്രാലയം വ്യക്തമാക്കിയ ഏറ്റവും കുറഞ്ഞ തുകയേക്കാൾ കുറവായിരിക്കരുത്.
.
- നൈപുണ്യമുള്ള വിഭാഗം (Skill):
- തൊഴിൽ സൗദി ഏകീകൃത തൊഴിൽ വർഗ്ഗീകരണത്തിലെ പ്രധാന ഗ്രൂപ്പുകളിൽ (4 മുതൽ 8 വരെ) പെടണം.
- തൊഴിലാളിയുടെ വേതനം ഈ വിഭാഗത്തിനായി മന്ത്രാലയം നിർണ്ണയിക്കുന്ന ഏറ്റവും കുറഞ്ഞ വേതനത്തേക്കാൾ കുറവായിരിക്കരുത്.
- തൊഴിലാളി നിയുക്ത അക്രഡിറ്റേഷൻ പ്രോഗ്രാമിന്റെ ആവശ്യകതകൾ പാലിച്ചിരിക്കണം.
- ഉയർന്ന നൈപുണ്യമുള്ള വിഭാഗത്തിനുള്ള ഏറ്റവും കുറഞ്ഞ വേതനം തൊഴിലാളിക്ക് ലഭിക്കുന്നില്ലെങ്കിൽ പോലും തൊഴിൽ പ്രധാന ഗ്രൂപ്പുകളിൽ (1 മുതൽ 3 വരെ) പെടണം.
.
- അടിസ്ഥാന വിഭാഗം (Basic):
- സൗദി ഏകീകൃത തൊഴിൽ വർഗ്ഗീകരണത്തിലെ പ്രധാന ഗ്രൂപ്പിൽ (9) പെടുന്ന തൊഴിലുകളാണ് ഈ വിഭാഗത്തിൽ ഉൾപ്പെടുന്നത്.
- ഈ വിഭാഗത്തിലെ തൊഴിലാളികൾ ഗ്രൂപ്പ് (9) ന് വ്യക്തമാക്കിയിട്ടുള്ള സർട്ടിഫിക്കേഷൻ പ്രോഗ്രാമിന്റെ ആവശ്യകതകൾ പാസാകണം.
- സൗദി അല്ലാത്ത തൊഴിലാളിക്ക് 60 വയസ്സ് കവിയാൻ പാടില്ല.
- വിദഗ്ധ വിഭാഗത്തിന് അനുവദിച്ചിട്ടുള്ള ഏറ്റവും കുറഞ്ഞ വേതനം തൊഴിലാളി പാലിക്കുന്നില്ലെങ്കിൽ പോലും തൊഴിൽ പ്രധാന ഗ്രൂപ്പുകളിൽ (1 മുതൽ 8 വരെ) ഉൾപ്പെടണം.
.
ഈ പുതിയ തീരുമാനം സൗദി തൊഴിൽ വിപണിയിൽ വലിയ മാറ്റങ്ങൾക്ക് വഴിയൊരുക്കുമെന്നും, രാജ്യത്തിന്റെ സാമ്പത്തിക വളർച്ചയ്ക്ക് ആവശ്യമായ മികച്ച മാനവ വിഭവശേഷിയെ ആകർഷിക്കാൻ സഹായിക്കുമെന്നും മന്ത്രാലയം പ്രത്യാശ പ്രകടിപ്പിച്ചു.
ഗൾഫ് വാർത്തകളും അറിയിപ്പുകളും വാട്സ് ആപ്പിൽ അറിയാൻ ഇവിടെ അമർത്തി വാർത്ത ഗ്രുപ്പിൽ അംഗമാകുക
