നടുറോഡിൽ ഭാര്യയെ കൊലപ്പെടുത്തിയ കേസ്; ‘ചിരിക്കുന്ന കൊലയാളി’ ഭാര്യയെ ചായ കുടിക്കുന്നതിൽ നിന്ന് പോലും വിലക്കി

June 27, 2025June 27, 2025 Suhaila Ajmal

ബ്രാഡ്‌ഫോർഡ്: യുകെയിൽ നടുറോഡിൽ ഭാര്യയെ കൊലപ്പെടുത്തിയ കേസിൽ ‘ചിരിക്കുന്ന കൊലയാളി’ എന്ന് അറിയപ്പെടുന്ന ഹബീബുർ മാസിനെ(26) കുറ്റക്കാരനെന്ന് കോടതി കണ്ടെത്തി. ഭാര്യ കുൽസുമ അക്തറിനെ (27) യാണ് ഇയാൾ കൊലപ്പെടുത്തിയത്. സ്നാപ്ചാറ്റിൽ നിന്ന് കുൽസുമയുടെ ലൊക്കേഷൻ മനസ്സിലാക്കിയ ശേഷമായിരുന്നു കൊലപാതകം. കഴിഞ്ഞ വർഷം ഏപ്രിൽ ആറിനാണ് സംഭവം നടന്നത്.

നടുറോഡിൽ വെച്ച് പ്രതി ഭാര്യയെ 25 തവണ കുത്തി. അതിനുശേഷം കഴുത്തറത്ത് മരണം ഉറപ്പാക്കി. രക്ഷപ്പെടാനായി പ്രതി ബസിൽ കയറുന്ന ദൃശ്യങ്ങൾ സിസിടിവിയിൽ പതിഞ്ഞിട്ടുണ്ട്. അഞ്ചു മാസം മാത്രം പ്രായമുള്ള ഇവരുടെ കുഞ്ഞിനെ റോഡിൽ ഉപേക്ഷിച്ചാണ് പ്രതി രക്ഷപ്പെട്ടത്.

ഭാര്യ മേക്ക് അപ്പ് ധരിക്കുന്നതിനെ പ്രതി എതിർത്തിരുന്നു. ചായ കുടിക്കുന്നതിൽ നിന്ന് വിലക്കുകയും ഭാര്യയുടെ മൊബൈൽ ഫോൺ നിരന്തരമായി പരിശോധിക്കുകയും ചെയ്തിരുന്നു. കൂടാതെ ഭാര്യയെ കൊല്ലുമെന്ന് പ്രതി ഭീഷണിപ്പെടുത്തിയിരുന്നതായും കോടതി കണ്ടെത്തിയിട്ടുണ്ട്. വിധി കേട്ട പ്രതി കോടതിയിൽ പൊട്ടിക്കരഞ്ഞു.

ബംഗ്ലാദേശിൽ വെച്ച് വിവാഹിതരായ ഇരുവരും 2022ലാണ് യുകെയിലെത്തിയത്. തുടർന്ന് വിവാഹജീവിതത്തിൽ പ്രശ്നങ്ങളുണ്ടായി. 2023 നവംബറോടെ പ്രശ്നങ്ങൾ രൂക്ഷമായി.

കിഴക്കൻ ബംഗ്ലാദേശിലെ സിൽഹെറ്റ് സ്വദേശിയായ ഹബീബുർ മാസ് ബെഡ്‌ഫോർഡ്ഷെയർ യൂണിവേഴ്സിറ്റിയിൽ നിന്ന് ഡിജിറ്റൽ മാർക്കറ്റിങ്ങിൽ ബിരുദാനന്തര ബിരുദം നേടിയിട്ടുണ്ട്. ഇയാൾ യുട്യൂബിൽ യാത്രകളുടെ വ്ളോഗുകളും യുകെയിലെ ജീവിതവും പങ്കുവച്ചിരുന്നു.
.

അറിയിപ്പുകൾ തത്സമയം അറിയാൻ ഇവിടെ അമർത്തി വാർത്ത ഗ്രുപ്പിൽ അംഗമാകുക

.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.

.