ക്ലീനിങ് ലിക്വിഡ് കുടിച്ച് ആത്മഹത്യക്ക് ശ്രമിച്ച പ്രവാസിയെ രക്ഷപ്പെടുത്തി; പ്രവേശന വിലക്കേർപ്പെടുത്തി നാടുകടത്തുമെന്ന് അധികൃതർ

June 17, 2025June 17, 2025 News Desk

കുവൈത്ത് സിറ്റി: കുവൈത്തിൽ ക്ലീനിങ് ലിക്വിഡ് കുടിച്ച് ആത്മഹത്യക്ക് ശ്രമിച്ച പ്രവാസിയെ രക്ഷപ്പെടുത്തി. ഗുരുതരാവസ്ഥയിലായിരുന്ന പ്രവാസിയെ സബാഹ് അൽ സലേം ക്ലിനിക്കിൽ പ്രവേശിപ്പിച്ചു. തുടർന്ന് കൂടുതൽ ചികിത്സയ്ക്കായി അൽ അദാൻ ആശുപത്രിയിലേക്ക് മാറ്റുകയും ചെയ്തു. 25 വയസ്സുകാരനായ ഇയാളുടെ ശരീരത്തിൽ ഉയർന്ന അളവിൽ വിഷാംശം കണ്ടെത്തിയിരുന്നു. തുടർ ചികിത്സയിൽ പ്രവാസിയുടെ നില മെച്ചപ്പെടുകയും ചെയ്തു.
.
വൈദ്യസഹായം ലഭിച്ച് ആരോഗ്യനില മെച്ചപ്പെട്ടതിനെ തുടർന്ന്, ആത്മഹത്യാശ്രമം രേഖപ്പെടുത്തി അധികൃതർ അന്വേഷണം ആരംഭിച്ചു. ആത്മഹത്യക്ക് ശ്രമിച്ചതായി സമ്മതിച്ച പ്രവാസിയെ നാടുകടത്താൻ ശുപാർശ ചെയ്തിട്ടുണ്ടെന്നും, രാജ്യത്തേക്ക് വീണ്ടും വരുന്നത് തടയാൻ പ്രവേശന വിലക്കേർപ്പെടുത്തുമെന്നും അധികൃതർ വെളിപ്പെടുത്തി.
.

.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.

.