പ്രവാസി മലയാളി സൗദിയിൽ ഹൃദയാഘാതം മൂലം മരിച്ചു
ജിദ്ദ: പ്രവാസി മലയാളി സൌദയിലെ ജിദ്ദയിൽ ഹൃദയാഘാതം മൂലം മരിച്ചു. മലപ്പുറം കോട്ടക്കലിലെ പാറമ്മൽ സ്വദേശി കൊടക്കാട്ടിൽ ഹൈദർസ് (61) ആണ് മരിച്ചത്. ത്വാഇഫിൽ നിന്ന് സ്പോൺസറുടെ കൂടെ ജിദ്ദയിലെത്തിയതായിരുന്നു. ജിദ്ദയിൽ വെച്ച് ഇദ്ദേഹത്തിന് നെഞ്ചുവേദന അനുഭവപ്പെടുകയും മരിക്കുകയുമായിരുന്നു. 25 വർഷത്തോളമായി സൗദിയിൽ പ്രവാസിയായിരുന്നു.
ഫാത്തിമയാണ് ഭാര്യ. ജാവേദ് അഹമ്മദ് (ദുബൈ), ഗസൻഫർ ഹൈദർസ്, ഹാദിൽ ഹൈദർസ് എന്നിവർ മക്കളാണ്. ജിദ്ദയിലെ ജിദാനി ആശുപത്രി മോർച്ചറിയിലുള്ള മൃതദേഹം നടപടികൾ പൂർത്തിയാക്കി ജിദ്ദയിൽ തന്നെ ഖബറടക്കുവാനാണ് തീരുമാനം. ഇതിനായുള്ള നടപടി ക്രമങ്ങൾ പൂർത്തിയായി വരുന്നതായി ജിദ്ദ കെ.എം.സി.സി വെൽഫയർ വിങ്‌ അറിയിച്ചു.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
