ഇന്ത്യക്കാർക്ക് ക്വാറന്‍റീൻ ഒഴിവാക്കി ഖത്തർ
ഹുദ ഹബീബ്
ഖത്തറില്‍ വാക്സിന്‍ സ്വീകരിച്ച യാത്രക്കാര്‍ക്ക് ക്വാറന്‍റീനും, യാത്രക്ക് മുമ്പുള്ള പി.സി.ആര്‍ പരിശോധനയും ഒഴിവാക്കിയാതായി പൊതുജനാരോഗ്യ മന്ത്രാലയം.ഫെബ്രുവരി 28 രാത്രി ഏഴ് മണിയോടെ പ്രാബല്യത്തില്‍ വരുന്ന പുതുക്കിയ നിര്‍ദേശം പ്രകാരം ഇന്ത്യക്കാര്‍ ഉള്‍പ്പെടെയുള്ള വാക്സിന്‍ സ്വീകരിച്ച താമസക്കാര്‍ക്ക് ക്വാറന്‍റീന്‍ ഇല്ലാതെ തന്നെ ഖത്തറില്‍ എത്താന്‍ കഴിയും.ഇവരെ യാത്രക്ക് മുമ്പുള്ള പി.സി.ആര്‍ പരിശോധനയില്‍ നിന്നും ഒഴിവാക്കി. അതേസമയം, ഖത്തറിലെത്തി 24 മണിക്കൂറിനുള്ളില്‍ റാപിഡ് ആന്‍റിജന്‍ പരിശോധനക്ക് വിധേയരാവണം എന്നും പൊതുജനാരോഗ്യ മന്ത്രാലയം പ്രഖ്യപിച്ചു.
