യാത്രക്കാരന്‍ ജീവനക്കാരെ മര്‍ദിച്ചു; പറന്നുയർന്ന എയര്‍ ഇന്ത്യ വിമാനം തിരിച്ചിറക്കി
ഡല്‍ഹി-ലണ്ടന്‍ എയര്‍ ഇന്ത്യ വിമാനം ഡല്‍ഹിയില്‍ തിരിച്ചിറക്കി. പറന്നുയര്‍ന്ന വിമാനത്തിലെ ഒരു യാത്രക്കാരന്‍ ജീവനക്കാരുമായി വഴക്കടിച്ചതിനെ തുടര്‍ന്നാണ് നടപടി. യാത്രക്കാരനെ വിമാനത്താവളത്തില്‍ ഇറക്കിവിട്ട ശേഷം വിമാനം വീണ്ടും ലണ്ടനിലേക്കു പറന്നു. സംഭവത്തില്‍ എയര്‍ ഇന്ത്യ ഡല്‍ഹി വിമാനത്താവളം പൊലീസില്‍ പരാതി നല്‍കി. തുടര്‍ന്ന് യാത്രക്കാരനെ പൊലീസ് സ്റ്റേഷനിലെത്തിച്ചു.
തിങ്കളാഴ്ച രാവിലെയാണ് 225 യാത്രക്കാരുമായി എയര്‍ ഇന്ത്യ 111 എന്ന വിമാനം ഡല്‍ഹി ഇന്ദിരാഗാന്ധി രാജ്യാന്തര വിമാനത്താവളത്തില്‍ നിന്ന് പറന്നുയര്‍ന്നത്. കുറച്ചുകഴിഞ്ഞപ്പോള്‍ യാത്രക്കാരില്‍ ഒരാള്‍ ജീവനക്കാരുമായി തര്‍ക്കത്തിലേര്‍പ്പെട്ടു. രണ്ട് ജീവനക്കാരെ മര്‍ദിച്ചതോടെ 9.40 ന് വിമാനം ഡല്‍ഹിയില്‍ തിരിച്ചിറക്കി. പ്രശ്‌നക്കാരനായ യാത്രക്കാരനെ വിമാനത്താവളത്തില്‍ ഇറക്കിയ ശേഷം വിമാനം മറ്റ് യാത്രക്കാരുമായി ലണ്ടനിലെ ഹിത്രുവിലേക്ക് പറന്നു.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.
വിസിറ്റ് വിസകൾ പുതുക്കുന്നത് സംബന്ധിച്ച വിശദമായ വിവരങ്ങൾക്ക് ബന്ധപ്പെടുക:
0556884273
http://wa.me/+966556884273
