ബ്യൂട്ടി പാർലറിൻ്റെയും തിരുമ്മൽ കേന്ദ്രത്തിൻ്റെയും മറവിൽ അനാശാസ്യ പ്രവർത്തനങ്ങൾ; നിരവധി യുവതീ യുവാക്കൾ പിടിയിയാലി

തൊടുപുഴ നഗരത്തിൽ പുതിയ കെ.എസ്.ആർ.ടി.സി.ടെർമിനലിന് സമീപത്തെ സ്വകാര്യ ഷോപ്പിങ് കോംപ്ലക്‌സിൽ പ്രവർത്തിച്ചുവന്ന ലാവ ബ്യൂട്ടി പാർലറിലാണ് ഡിവൈ.എസ്.പി. എം.ആർ. മധുബാബുവിന്റെ നേതൃത്വത്തിൽ പരിശോധന നടത്തിയത്. ബ്യൂട്ടിപാർലറിന് മാത്രമുള്ള ലൈസൻസിന്റെ മറവിലാണ് അനധികൃതമായി മസാജിങ് സെന്റർ നടത്തി വന്നത്. കോട്ടയം കാണക്കാരി സ്വദേശി തേക്കിലക്കാട്ട് ടി.കെ. സന്തോഷാണ് ഉടമ. ഉടമയുടെ അറിവോടെ മസാജിങ്ങും അനാശാസ്യ പ്രവർത്തനങ്ങളും ഇവിടെ നടന്നുവരികയായിരുന്നുവെന്ന് ഡിവൈ.എസ്.പി. പറഞ്ഞു.

മസാജിങ് കേന്ദ്രത്തിലെ ജോലിക്കാരായ വയനാട്, തിരുവനന്തപുരം സ്വദേശികളായ യുവതികൾ, ശുചീകരണ തൊഴിലാളിയായ ആലപ്പുഴ സ്വദേശിയായ യുവാവ്, മസാജിങ്ങിന് എത്തിയ മുട്ടം സ്വദേശികളായ രണ്ട് യുവാക്കൾ എന്നിവരെയാണ് അറസ്റ്റുചെയ്തത്. ഇവിടെ കൂടുതൽ യുവതികൾ ജോലി ചെയ്തിരുന്നതായാണ് പോലീസിന് ലഭിച്ച വിവരം. സ്ഥാപനത്തിൽനിന്ന് 42,000 രൂപയും മസാജിന് ഉപയോഗിക്കുന്ന വസ്തുക്കളും പിടിച്ചെടുത്തു.

മസാജിങ്ങിനായി മൂന്ന് മുറികളാണ് തയ്യാറാക്കിയിരുന്നത്. ആറുമാസത്തിലേറെയായി തൊടുപുഴയിൽ പ്രവർത്തിച്ചുവരികയാണ് ലാവാ ബ്യൂട്ടിപാർലർ. രഹസ്യവിവരം ലഭിച്ചതിനെ തുടർന്നാണ് പോലീസ് പരിശോധന നടത്തിയത്.

ഡിവൈ.എസ്‍.പി.യോടൊപ്പം സ്‍ക്വാഡ് അംഗങ്ങളായ എസ്‍.ഐ. ഷംസുദ്ദീൻ, എ.എസ്.ഐ. ഉണ്ണികൃഷ്‍‍ണൻ, സി.പി.ഒ.മാരായ ജയ്‍മോൻ, ഹരീഷ്, തൊടുപുഴ എസ്.ഐ. തോമസ്, സി.പി.ഒ. മനു, വനിതാ സി.പി.ഒ. സൗമ്യ കെ.മോഹൻ, കെ. ശ്രീജ എന്നിവരും പരിശോധനയിൽ പങ്കെടുത്തു.

കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
.

വിസിറ്റ് വിസകൾ പുതുക്കുന്നത് സംബന്ധിച്ച വിശദമായ വിവരങ്ങൾക്ക് ബന്ധപ്പെടുക:

0556884273
http://wa.me/+966556884273