മക്കയിലേക്ക് പോകുകയായിരുന്ന ബസ് ത്വാഇഫിൽ വെച്ച് അപകടത്തിൽപ്പെട്ട് 38 പേർക്ക് പരിക്ക്‌
സൌദി അറേബ്യയിലെ ത്വാഇഫിൽ ബസ് അപകടത്തിൽപ്പെട്ട് 38 പേർക്ക് പരിക്കേറ്റു. മക്കയിലേക്ക് പോകുകയായിരുന്ന ബസാണ് അപകടത്തിൽപ്പെട്ടത്. 50 യാത്രക്കാരുമായി പോകുകയായിരുന്ന ബസ് ത്വാഇഫിലെ അൽ-സെയിൽ റോഡിൽ വെച്ചാണ് അപകടത്തിൽപ്പെട്ടത്.
അപകടവിവരം അറിഞ്ഞയുടനെ ത്വാഇഫ് റെഡ് ക്രസൻ്റ് വിഭാഗം ആവശ്യമായ നടപടികളാരംഭിച്ചു. 8 ആംബുലൻസ് ടീമുകൾക്കും, മെഡിക്കൽ സംഘത്തിനും സംഭവ സ്ഥലത്തെത്താൻ നിർദേശം നൽകിയതായി റെഡ് ക്രസൻ്റ് വിഭാഗം അറിയിച്ചു.
ആദ്യ സംഘം അപകടസ്ഥലത്ത് എത്തിയ ഉടനെ രക്ഷാപ്രവർത്തനത്തിന് ശേഷം കേസുകൾ തരം തിരിച്ചു. 38 പേരിൽ 27 പേർക്ക് ചെറിയ തോതിൽ പരിക്കേറ്റിട്ടുണ്ട്. ഇവരെ അടുത്തുള്ള മെഡിക്കൽ സെൻ്ററുകളിലേക്ക് മാറ്റിയതായും റെഡ് ക്രസൻ്റ് അറിയിച്ചു.
അപകടം സംബന്ധിച്ചും, പരിക്കേറ്റവർ ഏത് രാജ്യക്കാരാണെന്നത് സംബന്ധിച്ചും ഇപ്പോൾ വിവരങ്ങൾ ലഭ്യമല്ല.
കൂടുതൽ വാർത്തകൾക്ക് വാട്സ് ആപ്പ് ഗ്രൂപ്പിൽ അംഗമാകാൻ ഇവിടെ ക്ലിക്ക് ചെയ്യുക
