അവഹേളന ശ്രമങ്ങള് മതസൗഹാര്ദത്തിനു നേർക്കുള്ള വെല്ലുവിളി; കാന്തപുരത്തെ പിന്തുണച്ച് ഗോകുലം ഗോപാലന്
കോഴിക്കോട്: എസ്.എന്.ഡി.പി യോഗം ജനറല് സെക്രട്ടറി വെള്ളാപ്പള്ളി നടേശനെതിരെ പരോക്ഷ വിമര്ശനവുമായി ഗോകുലം ഗോപാലന്. കാന്തപുരം എ.പി അബൂബക്കര് മുസ്ലിയാരെ അവഹേളിക്കാനുള്ള ചിലരുടെ ശ്രമങ്ങള് മതസൗഹാര്ദത്തിന് നേരെയുള്ള വെല്ലുവിളിയാണെന്ന് ഗോകുലം ഗോപാലന് പറഞ്ഞു. ഫേസ്ബുക്കില് പങ്കുവെച്ച കുറിപ്പിലൂടെയാണ് അദ്ദേഹത്തിന്റെ പ്രതികരണം.
‘മതേതരവാദികള് എല്ലാം കാന്തപുരം ചെയ്ത നല്ല കാര്യത്തിനൊപ്പമാണ്’ എന്ന കാര്യം തിരസ്കരിക്കരുതെന്നും ഗോകുലം ഗോപാലന് പറഞ്ഞു. കാന്തപുരം മനുഷ്യസ്നേഹത്തിന്റെ കേരള മാതൃകയാണ്. ജാതിക്കും മതത്തിനും അപ്പുറത്തെ മനവികതയാണ് കാന്തപുരം ഉയര്ത്തിപ്പിടിച്ചതെന്നും അദ്ദേഹം ചൂണ്ടിക്കാട്ടി.
