ഗൾഫ് ഉച്ചകോടിക്ക് ബഹ്റൈൻ ആതിഥേയത്വം വഹിക്കും; സംഘർഷങ്ങൾക്കിടയിൽ സുപ്രധാന തീരുമാനങ്ങൾക്ക് ഉച്ചകോടി വേദിയാകും
മനാമ: ഡിസംബറിൽ നടക്കുന്ന 46-ാമത് ഗൾഫ് സഹകരണ കൗൺസിൽ (GCC) ഉച്ചകോടിക്ക് ബഹ്റൈൻ ആതിഥേയത്വം വഹിക്കുമെന്ന് ഔദ്യോഗികമായി പ്രഖ്യാപിച്ചു. ഒമ്പത് വർഷത്തെ ഇടവേളയ്ക്ക് ശേഷമാണ് ബഹ്റൈൻ വീണ്ടും ഈ സുപ്രധാന ഉച്ചകോടിക്ക് വേദിയാകുന്നത്.
നിലവിലുള്ള പ്രാദേശികവും അന്താരാഷ്ട്രീയവുമായ സംഘർഷങ്ങൾക്കിടയിൽ, ഗൾഫ് മേഖലയുടെ ഭാവിക്ക് രൂപം നൽകുന്ന സുപ്രധാന തീരുമാനങ്ങൾ ഈ ഉച്ചകോടിയിൽ ഉണ്ടാകുമെന്ന് പ്രതീക്ഷിക്കപ്പെടുന്നു. ഗൾഫ് മേഖലയുടെ സുരക്ഷ വർദ്ധിപ്പിക്കുകയും അംഗരാജ്യങ്ങൾക്കിടയിൽ ഐക്യം ശക്തിപ്പെടുത്തുകയുമാണ് ഉച്ചകോടിയുടെ പ്രധാന ലക്ഷ്യം. സംയുക്ത ഗൾഫ് സഹകരണം പ്രോത്സാഹിപ്പിക്കുന്നതിനും മുന്നോട്ട് കൊണ്ടുപോകുന്നതിനും ബഹ്റൈനുള്ള ശക്തമായ പ്രതിബദ്ധത ഈ ഉച്ചകോടി ഊന്നിപ്പറയും.
.
ഫലസ്തീനിലെ ഇസ്രായേൽ ആക്രമണങ്ങൾ ഉച്ചകോടിയിലെ പ്രധാന ചർച്ചാ വിഷയങ്ങളിൽ ഒന്നായിരിക്കും. കഴിഞ്ഞ ഗൾഫ് ഉച്ചകോടിയിൽ നേതാക്കൾ സയണിസ്റ്റ് അധിനിവേശം അവസാനിപ്പിക്കാൻ ആഹ്വാനം ചെയ്തിരുന്നു. ഗൾഫ് മേഖലയിലെ സംയുക്ത സഹകരണം കൂടുതൽ ശക്തിപ്പെടുത്തുന്നതിനും അതിന്റെ സമാധാനവും സ്ഥിരതയും ഉറപ്പാക്കുന്നതിനും ഉച്ചകോടി ഊന്നൽ നൽകും. പ്രതിരോധ സംവിധാനങ്ങൾ ശക്തിപ്പെടുത്തുക, സാമ്പത്തിക ഏകീകരണം, ഊർജ്ജ സുരക്ഷ, ഭക്ഷ്യ സുസ്ഥിരത, ഡിജിറ്റൽ പരിവർത്തനം എന്നിവയും മറ്റ് പ്രധാന വിഷയങ്ങളിൽ ഉൾപ്പെടുന്നു.
രാഷ്ട്രീയ, സാമ്പത്തിക, സുരക്ഷാ മേഖലകളിൽ ഏകീകൃത പ്രതികരണങ്ങൾ പ്രോത്സാഹിപ്പിക്കുന്നതിലും കൂട്ടായ പ്രവർത്തനത്തിനുള്ള സംവിധാനങ്ങൾ വർദ്ധിപ്പിക്കുന്നതിലും GCC യുടെ നിർണായക പങ്ക് ഉച്ചകോടി ഉയർത്തിക്കാട്ടും. 2024 ഡിസംബറിൽ കുവൈറ്റിൽ വെച്ച് നടന്നിരുന്നു 45-ാമത് ഗൾഫ് ഉച്ചകോടി. ബഹ്റൈൻ അവസാനമായി ഗൾഫ് ഉച്ചകോടിക്ക് ആതിഥേയത്വം വഹിച്ചത് 2016-ലാണ്. അതിനുമുമ്പ് 1982, 1988, 1994, 2000, 2004, 2012 വർഷങ്ങളിലും ബഹ്റൈൻ ആതിഥേയത്വം വഹിച്ചിട്ടുണ്ട്.
.
ഗൾഫ് അറിയിപ്പുകളും വാർത്തകളും വാട്സ് ആപ്പിൽ അറിയാൻ ഇവിടെ അമർത്തി വാർത്ത ഗ്രുപ്പിൽ അംഗമാകുക
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
