കയറ്റത്തിൽ ടിപ്പർ ലോറി പിറകോട്ടുരുണ്ട് സ്‌കൂട്ടറിന് മുകളിലൂടെ കയറി ഇറങ്ങി; അത്ഭുതകരമായി രക്ഷപ്പെട്ട് യുവതി – വിഡിയോ
കോഴിക്കോട്: കയറ്റത്തില്‍ പിറകോട്ടുനീങ്ങിയ ടിപ്പര്‍ലോറിയുടെ പിന്നില്‍വന്ന സ്‌കൂട്ടര്‍ യാത്രക്കാരി രക്ഷപ്പെട്ടത് തലനാരിഴയ്ക്ക്. പുറകോട്ടുനീങ്ങിയ ലോറി സ്‌കൂട്ടറിന് മുകളിലൂടെ കയറിയിറങ്ങിയെങ്കിലും സമീപത്തേക്ക് തെറിച്ചുവീണ സ്‌കൂട്ടര്‍ യാത്രക്കാരി ലോറിയുടെ അടിയില്‍പെടാതെ അദ്ഭുതകരമായി രക്ഷപ്പെടുകയായിരുന്നു. കോഴിക്കോട് മുണ്ടിക്കൽത്താഴം-പെരിങ്ങൊളം റോഡിൽ സി.ഡബ്ല്യു.ആർ.ഡി.എമിന് സമീപത്താണ് സംഭവം. അപകടത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്.
.
പെരിങ്ങൊളം ഭാഗത്ത് നിന്ന് ലോഡുമായി എത്തിയ ടിപ്പര്‍ ലോറി കയറ്റംകയറുന്നതിനിടെയാണ് നിയന്ത്രണം വിട്ട് പിറകോട്ട് ഉരുണ്ടത്. ലോറിയുടെ ബ്രേക്ക് നഷ്ടപ്പെട്ടതോടെ വാഹനം നിര്‍ത്താനായില്ല. ഈ സമയത്താണ് യുവതി സ്‌കൂട്ടറില്‍ ലോറിയുടെ പിറകിലെത്തിയത്. ലോറി പിറകോട്ടുവരുന്നത് കണ്ട് യുവതി സ്‌കൂട്ടര്‍ പിറകോട്ടുനിരക്കാന്‍ ശ്രമിച്ചെങ്കിലും ലോറി സ്‌കൂട്ടറിനെ ഇടിച്ചിടുകയായിരുന്നു. ഇടിയുടെ ആഘാതത്തിൽ യുവതി വലതുവശത്തെ റോഡിലേക്ക് തെറിച്ചുവീണതിനാല്‍ ഉരുണ്ടുവന്ന ലോറിയുടെ അടിയില്‍പെട്ടില്ല. സ്‌കൂട്ടർ ഇടിച്ചിട്ടശേഷം ലോറി സമീപത്തെ മരത്തിൽ തട്ടിയാണ് നിന്നത്.
.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
