അത്യാധുനിക സൗകര്യങ്ങളോടെ സൗദി അറേബ്യയിലെ ഏറ്റവും വലിയ സ്മാർട്ട് മസ്ജിദ് തബൂക്കിൽ തുറന്നു – വിഡിയോ
തബൂക്ക്: സൗദി അറേബ്യയിലെ തബൂക്ക് നഗരത്തിൽ അത്യാധുനിക സൗകര്യങ്ങളോടുകൂടിയ സ്മാർട്ട് പള്ളി തുറന്നു. അൽ-ഇസ്കാൻ പരിസരത്തുള്ള അൽ-ജവാഹറ ബിൻത് അബ്ദുൽ അസീസ് അൽ-ദാവൂദ് പള്ളിയാണ് ഏറ്റവും പുതിയ സാങ്കേതിക വിദ്യകളോടെ നിർമ്മിച്ചിരിക്കുന്നത്. രാജ്യത്തെ ഏറ്റവും വലിയ സ്മാർട്ട് പള്ളികളിൽ ഒന്നായി ഇത് കണക്കാക്കപ്പെടുന്നു.
ഭിന്നശേഷിക്കാർ ഉൾപ്പെടെ എല്ലാ വിഭാഗം ആളുകൾക്കും സൗകര്യപ്രദമായ രീതിയിലാണ് പള്ളി രൂപകൽപ്പന ചെയ്തിരിക്കുന്നത്. പ്രായമായവർക്കും ഭിന്നശേഷിക്കാർക്കും എളുപ്പത്തിൽ പ്രവേശിക്കാൻ തറനിരപ്പിൽ നിന്ന് 20 സെന്റീമീറ്റർ മാത്രം ഉയരത്തിലാണ് പള്ളി നിർമ്മിച്ചിരിക്കുന്നത്. ബധിരർക്കും മൂകർക്കും പ്രാർത്ഥന സമയമായെന്ന് മനസ്സിലാക്കാൻ മിനാരത്തിലെ വെളിച്ചം മാറുന്ന സംവിധാനവും ഇവിടെയുണ്ട്. കൂടാതെ, ജലത്തിന്റെയും വൈദ്യുതിയുടെയും ഉപയോഗം തത്സമയം നിരീക്ഷിക്കാനും നിയന്ത്രിക്കാനും സാധിക്കും. പരിസ്ഥിതി സൗഹൃദപരമായ രീതിയിലാണ് പള്ളി നിർമ്മിച്ചിരിക്കുന്നത്.
ഈ പള്ളിയിൽ നിക്ഷേപിക്കുന്ന പ്രത്യേക സൗകര്യങ്ങൾ ഇസ്ലാമിക കാര്യ മന്ത്രാലയവുമായി സഹകരിച്ച് പ്രവർത്തിക്കുന്നു. പള്ളിയുടെ സമീപത്തുള്ള താമസക്കാർക്ക് ബുദ്ധിമുട്ട് ഉണ്ടാകാത്ത രീതിയിൽ ആണ് നിക്ഷേപങ്ങൾ നടത്തുന്നത്.
രാജ്യത്തിന്റെ എല്ലാ പ്രദേശങ്ങളിലും ഇത്തരം പള്ളികൾ നിർമ്മിക്കാൻ പദ്ധതിയുണ്ടെന്ന് അധികൃതർ അറിയിച്ചു. പഴയതും പുതിയതുമായ ഇസ്ലാമിക ശൈലികൾ ഒത്തുചേർന്ന ഈ പള്ളി ജനങ്ങൾക്കിടയിൽ ഇതിനോടകം തന്നെ ശ്രദ്ധ നേടി കഴിഞ്ഞു.
.
افتتاح أول مسجد ذكي صديق للبيئة وموفر للطاقة في تبوك
تقرير: عبدالله الريح#معكم_باللحظة https://t.co/j6HMt8aOMS pic.twitter.com/hNLWHtbBgd
— أخبار 24 (@Akhbaar24) March 2, 2025
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
