സുഹൃത്തുക്കളോട് സംസാരിച്ചുകൊണ്ടിരിക്കെ, മലയാളി യുവാവ് സൗദിയിൽ കുഴഞ്ഞ് വീണ് മരിച്ചു
യാംബു: മലയാളി യുവാവ് സൗദിയിലെ യാംബുവിൽ കുഴഞ്ഞ് വീണ് മരിച്ചു. മലപ്പുറം പൊന്നാനി തെക്കേപ്പുറം ചെറുവളപ്പിൽ മുഹമ്മദ് നിയാസ് (37) ആണ് മരിച്ചത്. ശനിയാഴ്ച രാത്രിയായിരുന്നു മരണം. റിയാദിൽ നിന്നും യാംബുവിലെത്തിയ സുഹൃത്തുക്കൾക്ക് നിയാസ് തൻ്റെ വീട്ടിൽ സ്വീകരണമൊരുക്കിയിരുന്നു. അവരോട് സംസാരിച്ചുകൊണ്ടിരിക്കെ ശ്വാസതടസ്സം അനുഭവപ്പെടുകയായിരുന്നുവെന്ന് സുഹൃത്തുക്കൾ പറഞ്ഞു.
.
ഉടൻ തന്നെ കെട്ടിട ഉടമയുടെ സഹായത്തോടെ സുഹൃത്തുക്കൾ ചേർന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. യാമ്പുവിലെ ഒരു കമ്പനിയിൽ റീജിയനൽ മാനേജറായി ജോലി ചെയ്ത് വരികയായിരുന്നു. 12 വഷത്തോളമായി യാംബുവിൽ പ്രവാസിയാണ്. യാംബു അൽമനാർ ഇന്റർനാഷനൽ സ്‌കൂൾ ജീവനക്കാരിയാണ് ഭാര്യ റൈഹാനത്ത്. ഇതേ സ്കൂളിൽ യു.കെ.ജി വിദ്യാർഥിയാണ് ഏക മകൻ റയ്യാൻ മുഹമ്മദ്. ചെറുവളപ്പിൽ ആലി മുഹമ്മദ്, സൈനബ ദമ്പതികളുടെ മകനാണ് മരിച്ച നിയാസ്. മുഹമ്മദ് ബഷീർ, നജീബ്, അബ്ദുന്നാസർ, സലിം, നവാസ് എന്നീ സഹോദരങ്ങളും ഉണ്ട്.
.
മൃതദേഹവുമായി ബന്ധപ്പെട്ട നടപടികൾ പൂർത്തിയാക്കാൻ കമ്പനി പ്രതിനിധികളും, ഭാര്യ ജോലി ചെയ്യുന്ന അൽമനാർ സ്‌കൂൾ അധികൃതരും സാമൂഹിക പ്രവർത്തകരും സജീവമായി രംഗത്തുണ്ട്.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
