അവകാശികളെത്തിയില്ല, 30 വർഷത്തിലേറെ ദുബൈ പൊലീസിൽ സേവനമനുഷ്ഠിച്ച മലയാളിയുടെ മൃതദേഹം ബന്ധുക്കളെ തേടി മോർച്ചറിയിൽ
ദുബൈ: അവകാശികളെ തേടി ഒരു മലയാളിയുടെ മൃതദേഹം ദുബൈയിലെ ആശുപത്രി മോർച്ചറിയിൽ കഴിയുകയാണ്. തിരുവനന്തപുരം വെള്ളറട സ്വദേശി വിജയൻ മാത്യു തോമസിന്റെ (61) മൃതദേഹമാണ് ദിവസങ്ങളായി മോർച്ചറിയിൽ സൂക്ഷിച്ചിരിക്കുന്നത്. കഴിഞ്ഞ ജനുവരി 30ന് മരിച്ചതാണിദ്ദേഹം. എന്നാൽ ഏറ്റെടുക്കാൻ ബന്ധക്കളാരും ഇത് വരെ എത്തിയിട്ടില്ല.
മുപ്പത് വർഷത്തിലേറെ ദുബൈ പൊലീസിൽ സേവനമനുഷ്ഠിച്ചയാളാണ് മരിച്ച വിജയൻ മാത്യൂ. 13 വർഷത്തിലേറെയായി ഇദ്ദേഹം നാട്ടിലേക്ക് പോയിട്ട്. അവകാശികളെത്തിയാൽ മാത്രമേ മൃതദേഹം വിട്ടുനൽകുകയുള്ളൂ. അതിനാൽ ബന്ധുക്കളെ തേടുകയാണ് ഇദ്ദേഹത്തിന്‍റെ സഹപ്രവർത്തകർ.
.
ബന്ധുക്കളുമായി ബന്ധമുണ്ടായിരുന്നില്ലെന്നാണ് ലഭിക്കുന്ന വിവരങ്ങൾ. ഒരുമാസം മുമ്പ് ജോലിയിൽ നിന്ന് വിരമിച്ചിരുന്നു. തുടർന്ന് വിസ കാൻസൽ ചെയ്തെങ്കിലും നാട്ടിലേക്ക് മടങ്ങിയിരുന്നില്ലെന്ന് സഹപ്രവർത്തകർ പറഞ്ഞു. ദുബൈ പൊലീസിലെ കുക്കായിരുന്നു 61 കാരനായ വിജയൻ മാത്യു തോമസ്. ബന്ധുക്കളെ സംബന്ധിച്ച് വിവരം ലഭിക്കുന്നവർ +971 55 294 5937 എന്ന നമ്പറിൽ അറിയിക്കണമെന്നും സഹപ്രവർത്തകർ ആവശ്യപ്പെട്ടു.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
