സൗദിയിൽ മലയാളി ദമ്പതികൾക്ക് വാഹനാപകടത്തിൽ പരിക്ക്

അബ്ഹ: സൗദിയിൽ മലയാളി ദമ്പതികൾ സഞ്ചരിച്ച വാഹനം അപകടത്തിൽപ്പെട്ടു ഇരുവർക്കും പരിക്കേറ്റു. ഇടുക്കി സ്വദേശികളായ അനീഷ് ജോർജ്, അബിമോൾ എന്നിവർക്കാണ് പരിക്കേറ്റത്.  അബ്ഹയിലെ ടൂറിസം കേന്ദ്രമായ അൽ സുദയിൽ വെച്ചാണ് അപകടമുണ്ടായത്. ഇവർ സഞ്ചരിച്ചിരുന്ന വാഹനം എതിർദിശയിൽ നിന്ന് വന്ന വാഹനവുമായി കൂട്ടിയിടിച്ചാണ് അപകടമുണ്ടായത്.
.
അപകടത്തിൽ ഇവർ സഞ്ചരിച്ച വാഹനം പൂർണമായി തകർന്നു. അനീഷിന് കാലിനും അബിയ്ക്ക് കൈയ്ക്കുമാണ് പരിക്ക്. അസീർ മേഖലയിലെ വിവിധ വിനോദ കേന്ദ്രങ്ങൾ സന്ദർശിക്കുന്നതിനായി വ്യാഴാഴ്ച ബുറൈദയിൽ നിന്ന് വന്നതായിരുന്നു ദമ്പതികൾ. സൗദിയിലെ അൽ ഖസീം പ്രവിശ്യയിലെ ബുറൈദയിലുള്ള സുലൈമാൻ അൽ ഹബീബ് ഹോസ്പിറ്റലിലാണ് അനീഷ് ജോർജ് ജോലി ചെയ്യുന്നത്. കിംഗ് ഫഹദ് ഹോസ്പിറ്റൽ ഐ.സി.യുവിൽ സ്റ്റാഫ് നഴ്‌സാണ് അബിമോൾ.
.
അപകടത്തെ തുടർന്ന് സൗദി സുരക്ഷാ ഉദ്യോഗസ്ഥരെത്തി ഇവരെ അബ്ഹ പ്രൈവറ്റ് ഹോസ്പിറ്റലിൽ എത്തിച്ചു. അബ്ഹയിലെ സാമൂഹികപ്രവർത്തകനും അസീർ പ്രവാസിസംഘം നേതാവുമായ സന്തോഷ് കൈരളിയും സഹായത്തിനായി ഹോസ്പിറ്റലിൽ എത്തി.
.

.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം.  ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.