ദുബായിൽനിന്ന് കടംവാങ്ങി മുങ്ങി, മടങ്ങിപ്പോകാതിരിക്കാൻ കരിപ്പൂരിൽ നിന്നുളള വിമാനത്തിന് വ്യാജബോംബ് ഭീഷണി; യുവാവ് പിടിയിൽ – വീഡിയോ
മലപ്പുറം: കരിപ്പുരില്‍നിന്നുള്ള വിമാനത്തിന് വ്യാജബോംബ് ഭീഷണി സന്ദേശമയച്ച കേസില്‍ ഒരാള്‍ അറസ്റ്റില്‍. പാലക്കാട് അനങ്ങനടി സ്വദേശി മുഹമ്മദ് ഇജാസ് (26) ആണ് കരിപ്പുര്‍ പോലീസിന്റെ പിടിയിലായത്. കരിപ്പുര്‍- അബുദാബി വിമാനത്തിനായിരുന്നു വ്യാജ ബോംബ് ഭീഷണി.
.
എയര്‍ അറേബ്യ വിമാനത്തില്‍ ബോംബുണ്ടെന്നായിരുന്നു സന്ദേശം. കോഴിക്കോട് വിമാനത്താവളം ഡയറക്ടര്‍ക്കാണ് സന്ദേശം ലഭിച്ചത്. വിമാനത്തില്‍ ഒരു പ്രത്യേക യാത്രക്കാരനുണ്ടെന്നും ഇയാളുമായി പുറപ്പെട്ടാല്‍ ആകാശത്തുവെച്ച് വിമാനം പൊട്ടിത്തെറിക്കുമെന്നുമായിരുന്നു സന്ദേശം. ഇയാളോടൊപ്പം മറ്റ് യാത്രക്കാരും മരിക്കുമെന്നും അതിനാല്‍ യാത്ര റദ്ദാക്കണമെന്നും സന്ദേശത്തില്‍ പറഞ്ഞു.
.
വിമാനത്താവള ഡയറക്ടറുടെ പരാതിയിലാണ് കേസെടുത്തത്. അന്വേഷണത്തില്‍ ഇജാസാണ് പ്രതിയെന്ന് കണ്ടെത്തി. സ്വന്തം മെയില്‍ ഐ.ഡിയില്‍നിന്നുതന്നെയാണ് ഇയാൾ സന്ദേശം അയച്ചത്. മജിസ്‌ട്രേറ്റിനുമുന്നില്‍ ഹാജരാക്കിയ ഇജാസിനെ റിമാന്‍ഡുചെയ്തു.
.
.
.
വിവാഹം അന്വേഷിക്കുന്ന യുവതി യുവാക്കൾക്ക് അനുയോജ്യരായ ഇണകളെ കണ്ടെത്താം. പൂർണമായും സൗജന്യ സേവനം. ‘നിക്കാഹ് മാട്രിമോണി’ ഗ്രൂപ്പിൽ അംഗമാകുക.
.
