കുത്തനെയുള്ള ഇറക്കത്തിൽ തീർഥാടകർ സഞ്ചരിച്ച ബസിൻ്റെ ബ്രേക്ക് നഷ്ടമായി; പിന്തുടർന്ന് സൈന്യവും പോലീസും. ഒഴിവായത് വൻ ദുരന്തം – വീഡിയോ
ശ്രീനഗർ: അമർനാഥ് തീർഥാടകർ സഞ്ചരിച്ച ബസ് വൻ അപകടത്തിൽനിന്ന് രക്ഷപ്പെട്ടത് തലനാരിഴയ്ക്ക്. പഞ്ചാബിലെ ഹൊഷിയാപുരിൽനിന്ന് 40 തീർഥാടകരുമായി പോയ ബസിന്റെ ബ്രേക്ക്, ജമ്മുകശ്മീരിലെ റമ്പാൻ ജില്ലയിലെ ദേശീയപാത 44-ൽ വെച്ച് നഷ്ടമാകുകയായിരുന്നു.
.
കുത്തനെയുള്ള ഇറക്കത്തിലാണ് ബ്രേക്ക് തകരാറിലായത്. ഇന്ത്യൻ സൈന്യവും കശ്മീർ പോലീസും നടത്തിയ ഇടപെടലാണ് വലിയ ദുരന്തം ഒഴിവാക്കിയത്. ബ്രേക്ക് നഷ്ടമായത് ശ്രദ്ധയിൽപ്പെട്ടതോടെ സൈനിക ഉദ്യോഗസ്ഥരും പോലീസുകാരും ബസിനുപിറകെ വാഹനങ്ങളിൽ എത്തി ടയറുകളുടെ അടിയിൽ കല്ലുകളും മറ്റും വെക്കുകയായിരുന്നു.
.
ബ്രേക്ക് നഷ്ടമായെന്ന് അറിഞ്ഞതോടെ യാത്രക്കാരിൽ ചിലർ ഓടിക്കൊണ്ടിരുന്ന ബസിൽനിന്ന് പുറത്തേക്ക് ചാടുകയും ചെയ്തു. പത്ത് പേർക്ക് പരിക്കേറ്റെന്നാണ് വിവരം. സംഭവത്തിന്റെ വീഡിയോയും പുറത്തുവന്നു.
.
The brakes of a bus carrying Amarnath pilgrims failed on a slope while returning from Baltal to Hoshiarpur. Some people jumped out of the moving bus. Police and security forces stopped the bus with great effort. 8 people were injured in the incident. The pilgrims were from… pic.twitter.com/Y6mnmHQpPG
— Gagandeep Singh (@Gagan4344) July 2, 2024
.
